: ലോകത്ത് കൊവിഡ് മരണം ഒരു ലക്ഷത്തി പതിനാലായിരം കവിഞ്ഞു. ആകെ രോഗബാധിതരുടെ എണ്ണം പതിനെട്ടര ലക്ഷം കടന്നു.

രോഗം അതിവേഗം പടരുന്ന അമേരിക്കയില്‍ ഇരുപത്തിരണ്ടായിരത്തിലധികം പേര്‍ മരിക്കുകയും അഞ്ചര ലക്ഷത്തിലധികം പേര്‍ക്ക് രോഗം സ്ഥിരീകരിക്കുകയും ചെയ്തു.അമേരിക്കയാണ് കൊവിഡ് കേസുകളില്‍ ഇപ്പോള്‍ മുന്നില്‍ നില്‍ക്കുന്നത്. ഏതാനും ദിവസങ്ങളായി ആശങ്കാജനകമായ രീതിയിലാണ് ഇവിടെ മരണവും രോഗബാധയും വര്‍ധിക്കുന്നത്. 24 മണിക്കൂറിനിടെ 1830 പേരാണ് ഇവിടെ മരിച്ചത്. 32000 പേര്‍ക്ക് മാത്രമാണ് രോഗം ഭേദമായത്.

സ്‌പെയിന്‍, ഇറ്റലി, ഫ്രാന്‍സ്, ജര്‍മനി തുടങ്ങിയ രാജ്യങ്ങളിലെല്ലാം രോഗബാധയും അതുമൂലമുള്ള മരണവും വര്‍ധിക്കുകയാണ്. ചൈനയില്‍ ഒരിടവേളക്കു ശേഷം രോഗബാധിതരുടെ എണ്ണത്തില്‍ വര്‍ധനവുണ്ടാകുന്നതും ആശങ്ക വര്‍ധിപ്പിക്കുന്നുണ്ട്. ഇന്നലെ മാത്രം 99 പേര്‍ക്കാണ് ചൈനയില്‍ രോഗം സ്ഥിരീകരിച്ചത്.