കൊച്ചി: കേരള സംസ്ഥാന സിവില്‍ സപ്ലൈസ് കോര്‍പറേഷന്‍ (സപ്ലൈകോ) സി.എം.ഡിയായി എം.എസ് ജയ ചുമതലയേറ്റു. കൊച്ചി മെട്രോ റെയില്‍ കോര്‍പറേഷന്‍ എം.ഡി സ്ഥാനത്തേക്ക് നിയോഗിച്ചിട്ടുള്ള നിലവിലുള്ള എം.ഡി എ.പി.എം മുഹമ്മദ് ഹനീഷാണ് പുതിയ സി.എം.ഡിക്ക് ചുമതല കൈമാറിയത്.
സിവില്‍ സപ്ലൈസ് വകുപ്പ് ഡയറക്ടറായിരിക്കെ 2011 ഓഗസ്റ്റ് 22 മുതല്‍ ഡിസംബര്‍ 7 വരെ സപ്ലൈകോ സി.എം.ഡിയുടെ താല്‍ക്കാലിക ചുമതല വഹിച്ചിട്ടുള്ള എം.എസ് ജയ തൃശൂര്‍ കലക്ടര്‍, സാമൂഹിക നീതിവകുപ്പ് ഡയറക്ടര്‍, പൊതുവിദ്യാഭ്യാസ ഡയറക്ടര്‍, ഹയര്‍ സെക്കന്‍ഡറി വിദ്യാഭ്യാസ ഡയറക്ടര്‍, കൊളജിയറ്റ് വിദ്യാഭ്യാസ ഡയറക്ടര്‍, എന്‍ട്രന്‍സ് പരീക്ഷാ കമ്മിഷനര്‍ തുടങ്ങിയ സുപ്രധാന ചുമതലകളും വഹിച്ചിട്ടുണ്ട്.