കൊടുങ്ങല്ലൂര്‍: ആശുപത്രിയിലേക്കുള്ള യാത്രക്കിടെ യുവതിക്ക് ഓട്ടോയില്‍ സുഖപ്രസവം. മതിലകം കൂളിമുട്ടം കംബ്ലിക്കല്‍ ദേവന്റെ ഭാര്യ അഞ്ജലിയാണ് ഓട്ടോറിക്ഷയില്‍ പെണ്‍കുഞ്ഞിന് ജന്‍മം നല്‍കിയത്. നാട്ടിക ബീച്ചിലെ വീട്ടിലായിരുന്ന അഞ്ജലി വേദന അനുഭവപ്പെട്ടതിനെ തുടര്‍ന്ന് അമ്മയ്ക്കും സഹോദരിക്കുമൊപ്പം കൊടുങ്ങല്ലൂരിലേക്ക് വരും വഴിയായിരുന്നു സംഭവം. തീരദേശ റോഡ് വഴി വന്ന ഓട്ടോറിക്ഷ എടവിലങ്ങ് കാരയിലെത്തിയപ്പോള്‍ യുവതി ഓട്ടോറിക്ഷയില്‍ പ്രസവിക്കുകയായിരുന്നു. ഉടന്‍ തന്നെ കൊടുങ്ങല്ലൂരിലെ സ്വകാര്യ ആശുപത്രിയിലെത്തിച്ചു. അമ്മയും കുഞ്ഞും സുഖമായിരിക്കുന്നു.