ആലപ്പുഴ: എസ്.കെ.എസ്.എസ്.എഫ് വിദ്യാഭ്യാസ സംരംഭമായ ട്രെന്റ് ആലപ്പുഴ മേഖലാ കമ്മിറ്റിയുടെ ആഭിമുഖ്യത്തില്‍ 'എവേ ടു എന്‍ജിനീയറിങ് 'എന്ന പ്രമേയത്തില്‍ ശില്‍പശാല സംഘടിപ്പിച്ചു.
ലജ്‌നത്തുല്‍ മുഹമ്മദീയ ഓഡിറ്റോറിയത്തില്‍ നടന്ന പരിപാടി എസ്.കെ.എസ്.എസ്.എഫ് മേഖലാ പ്രസിഡന്റ് പി.ജെ അഷ്‌റഫ് ലബ്ബാ ദാരിമി ഉദ്ഘാടനം ചെയ്തു.
ട്രെന്റ് കണ്‍വീനര്‍ മുഹമ്മദ് ഹസീം അധ്യക്ഷനായി. മേഖലാ ജനറല്‍ സെക്രട്ടറി എ.എം.എം ശാഫി റഹ്മത്തുല്ലാഹ്, ഷംജീദ് ആര്യാട്, അജ്മല്‍ എന്നിവര്‍ സംസാരിച്ചു.എന്‍ജിനീയറിങ് മേഖലകള്‍, സാധ്യതകള്‍, അസ്മിഷന്‍, സിലബസ് വിശകലനം, എന്‍ജിനീയറിങ് പഠനത്തിലെ വിവിധ വിഷയങ്ങള്‍, സാങ്കേതിക സര്‍വകലാശാല മാനദണ്ഡങ്ങള്‍ തുടങ്ങിയ വിഷയത്തില്‍ പ്രൊഫ.എച്ച്. മുഹമ്മദ് ഇല്‍യാസ് ,പ്രൊഫ. ഫൈസല്‍ കബീര്‍ എന്നിവര്‍ ക്ലാസ് നയിച്ചു.