ചെങ്ങന്നൂര്‍: കേരള സര്‍വകലാശാല സമയബന്ധിതമായി പരീക്ഷഫലങ്ങള്‍ പ്രഖ്യാപിക്കണമെന്ന് എസ് എഫ് ഐ ചെങ്ങന്നൂര്‍ ഏരിയ സമ്മേളനം പ്രമേയത്തിലൂടെ ആവശ്യപ്പെട്ടു. അഡ്വ. കെ കെ രാമചന്ദ്രന്‍നായര്‍ നഗറില്‍ (സി വി സാറാമ്മ സ്മാരക ഹാള്‍) നടന്ന സമ്മേളനം ജില്ല പ്രസിഡന്റ് ജെബിന്‍ പി വര്‍ഗീസ് ഉത്ഘാടനം ചെയ്തു.
വി വിജേഷ് അധ്യക്ഷനായി. പ്രവര്‍ത്തന റിപ്പോര്‍ട്ട് വനമാലി എം ശര്‍മ്മയും, സംഘടനാ റിപ്പോര്‍ട്ട് ജി ജിഷ്ണു ശോഭയും അവതരിപ്പിച്ചു. സി പി എം ചെങ്ങന്നൂര്‍ ഏരിയ സെക്രട്ടറി എം എച്ച് റഷീദ്, ജെയിംസ് ശമുവേല്‍, അനീഷ് കുമാര്‍ ഇ എസ്, ആഷിക്ക് എം ഷെരീഫ് എന്നിവര്‍ സംസാരിച്ചു. ഭാരവാഹികള്‍ വനമാലി എം ശര്‍മ്മ (പ്രസിഡന്റ്). ആഷിക്ക് എം ഷെരീഫ് , അശ്വിനികുമാര്‍, അനുഗ്രഹ രാജേന്ദ്രന്‍ (വൈസ് പ്രസിഡന്റുമാര്‍). വിഷ്ണു പി ( സെക്രട്ടറി), ഫയാസ്, സോനു പി കുരുവിള, ഷാജഹാന്‍ (ജോയിന്റ് സെക്രട്ടറിമാര്‍).