കോട്ടയം : തിരുനക്കര പുത്തന്‍പള്ളി മുസ്‌ലിം ജുമാ മസ്ജിദിനോടനുബന്ധിച്ച് വിവിധ സൗകര്യങ്ങളോട് കൂടിയ പുതിയ കമ്മ്യൂണിറ്റി ഹാള്‍ പ്രവര്‍ത്തനമാരംഭിച്ചു.
പള്ളി അങ്കണത്തോട് ചേര്‍ന്ന് പരിപാലന സമിതിയുടെ നേതൃത്വത്തില്‍ നിര്‍മിച്ച ഹാളിന്റെ ഉദ്ഘാടനം ചീഫ് ഇമാം മഅ്മൂന്‍ ഹുദവി വണ്ടൂര്‍ നിര്‍വഹിച്ചു. ഇതോടൊപ്പം നടന്ന ജമാഅത്തിലെ മികച്ച വിജയം നേടിയ വിദ്യാര്‍ഥികള്‍ക്കുളള പുരസ്‌കാരം ദാനചടങ്ങും അദ്ദേഹം ഉദ്ഘാടനം ചെയ്തു. പരിപാലന സമിതി പ്രസിഡന്റ് വി.ഒ അബുസാലിഹ് ചടങ്ങില്‍ അധ്യക്ഷനായി. ഇമാം കെ.എം ത്വാഹാ മൗലവി മുഖ്യപ്രഭാഷണം നടത്തി. നന്ത്യോട് ബഷീര്‍, എസ്.കൊച്ചുമോന്‍, പരിപാലന സമിതി ജനറല്‍ സെക്രട്ടറി എന്‍.എ ഹബീബ് , വൈസ് പ്രസിഡന്റ് ഇ.കെ സലീം , അമാനത്തുള്ള സംസാരിച്ചു.