ആലപ്പുഴ: ആലപ്പുഴ പുതിയ ജില്ലാ കലക്ടറായി ചുമതലയേറ്റ എസ്.സുഹാസ് ഇന്നലെ ഉച്ചയ്ക്കു ശേഷം കലക്ടറേറ്റിലെ ഓഫിസുകള്‍ സന്ദര്‍ശിച്ചു. അഡീഷണല്‍ ജില്ലാമജിസ്‌ട്രേറ്റ് ഐ. അബ്ദുല്‍ സലാം, എസ്റ്റേറ്റ്മാനേജര്‍ ആയ ഹുസൂര്‍ ശിരസ്തദാര്‍, പി.ഡബ്ല്യു.ഡി ബില്‍ഡിങ്‌സ് എ.ഇ അനുഗമിച്ചു.
കലക്ടറേറ്റ് പരിസരവും ഓഫിസുകളും വൃത്തിയായി സൂക്ഷിക്കണമെന്ന് എല്ലാ ഓഫിസ് മേധാവികള്‍ക്കും നിര്‍ദേശം നല്‍കി. ഓഫിസ് ജീവനക്കാര്‍ കുറവുള്ളതായി ശ്രദ്ധയില്‍പ്പെട്ടതിനെത്തുടര്‍ന്ന് ശാസിച്ചു. എല്ലാ മാസവും മുന്നറിയിപ്പില്ലാതെ ഓഫിസുകളില്‍ പരിശോധന നടത്തുമെന്നും മികച്ചരീതിയില്‍ പ്രവര്‍ത്തിക്കുന്ന ഓഫിസുകള്‍ക്ക് വ്യക്തിപരമായി അവാര്‍ഡ് നല്‍കുമെന്ന് ജില്ലാ കലക്ടര്‍ അറിയിച്ചു. കലക്ടറേറ്റില്‍ ഒരു ദിവസം ശുചീകരണദിനം സംഘടിപ്പിക്കാനും കലക്ടര്‍ നിര്‍ദേശിച്ചു.