മസ്കറ്റ്: ഒമാനിൽ കൊവിഡിന്റെ ഹോട്ട് സ്പോട്ട് ആയ മത്രയിൽ രോഗനിർണ്ണയ ടെസ്റ്റുകൾ ഊർജ്‌ജിതമാക്കിയതോടെ മസ്കറ്റ് മേഖലയിൽ രോഗികളുടെ എണ്ണം കൂടി 658 ആയി ഉയർന്നു. ഇത് കാണിക്കുന്നത് 80 ശതമാനം രോഗികളും മസ്കറ്റ് മേഖലയിൽ നിന്നാണെന്നാണ്. ഇന്നും ഇന്നലെയുമായി 214 പേരാണ് കൊവിഡ് ബാധിതരായിട്ടുള്ളത്.

അതേസമയം ഇന്നും പുതിയതായി 86 കൊവിഡ് കേസുകൾ കൂടി രജിസ്റ്റർ ചെയ്തതായി ആരോഗ്യ മന്ത്രാലയം അറിയിച്ചു. ഇതോടെ രാജ്യത്ത് നാല് മരണമടക്കം കൊവിഡ് ബാധിതരുടെ എണ്ണം 813 ആയി ഉയർന്നു. രോഗമുക്തി നേടിയവരുടെ എണ്ണം 124 ൽ നിന്ന് 130 ആയി. മസ്കറ്റിൽ രോഗബാധിതനായ ആദ്യ മലയാളി രോഗമുക്തി നേടി. നാട്ടിൽ നിന്നെത്തിയ ബന്ധുവിൽ നിന്നാണ് ഇദ്ദേഹത്തിന് രോഗം പകർന്നത്.