ഉരുവച്ചാല്‍: വെല്ലുവിളികള്‍ നേരിടുന്ന കാര്‍ഷികമേഖലയെ ഉത്തേജിപ്പിക്കാന്‍ ബദന്‍ സംവിധാനം ആവശ്യമാണെന്ന്മന്ത്രി ഇ.പി ജയരാജന്‍. പ്രധാനമന്ത്രിയുടെ കാര്‍ഷിക വികസന പദ്ധതിയായ കൗശല്‍ വികാസ് യോജനയുടെ മാലൂര്‍ പഞ്ചായത്ത്തല ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദേഹം.
പഞ്ചായത്തിലെ കാര്‍ഷിക മേഖലകള്‍ ക്ലസ്റ്ററുകളായി തിരിച്ച് കാലാവസ്ഥയ്ക്ക് അനിയോജ്യമായ നൂതന സംവിധാനങ്ങള്‍ ഉപയോഗിച്ച് കൃഷി നടത്തണമെന്നും മന്ത്രി കൂട്ടിച്ചേര്‍ത്തു.ചടങ്ങില്‍ പഞ്ചായത്തിലെ മാലൂര്‍ ശിവപുരം ഹയര്‍ സെക്കന്ററി സ്‌കൂളുകളില്‍ നിന്നും ഈ വര്‍ഷം എസ് .എസ്. എല്‍. സി, പ്‌ളസ്ടൂ പരീക്ഷകളില്‍ ഉന്നത വിജയികളായ വിദ്യാര്‍ഥികളെ മന്ത്രി അനുമോദിച്ചു.
ജില്ലയില്‍ പ്രധാനമന്ത്രി കൗശല്‍ വികാസ് പദ്ധതി ആരംഭിച്ച ആദ്യ പഞ്ചായത്താണ് മാലൂര്‍. ചടങ്ങില്‍ പഞ്ചായത്ത് പ്രസിഡന്റ് പി.അശോകന്‍ അധ്യക്ഷനായി.
പ്രോഗ്രാം കോഓര്‍ഡിനേറ്റര്‍ കെ.ജി.ഗിരീഷ് കുമാര്‍ പദ്ധതി വിശദീകരണം നടത്തി പേരാവൂര്‍ ബ്ലോക്ക് പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷന്‍ കെ.വി.ബിജിത്ത്,പഞ്ചായത്ത് വികസനകാര്യ സ്ഥിരം സമിതി അധ്യക്ഷന്‍ പി.വി. ജോര്‍ജ്ജ്,പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷ എം.ശാന്ത,പഞ്ചായത്ത് ആരോഗ്യ വിദ്യാഭ്യാസകാര്യ സ്ഥിരം സമിതി അധ്യക്ഷന്‍ കുറുമാണി മനോജ്, ബ്ലോക്ക് പഞ്ചായത്ത് അംഗം വി.ഹൈമാവതി, കെ.പി.വിജയന്‍, എം.ശാന്തകുമാരി, എ.ജയരാജന്‍, ഒ.ദാമു, എം.നാരായണന്‍, അബ്ദുല്‍ ലത്തീഫ് ,പുളുക്കുവന്‍ ഗംഗാധരന്‍, പി.എം.രാജീവ്, കൃഷി ഓഫീസര്‍ പി.എന്‍.ശ്രീനിവാസന്‍ ,പഞ്ചായത്ത് സെക്രട്ടറി ടി.കെ.പ്രദീപന്‍, വൈസ് പ്രസിഡന്റ് പി.മൈഥിലി പ്രസംഗിച്ചു.