കടവത്തൂര്‍ (കണ്ണൂര്‍): പാലത്തായിയിലെ നാലാം ക്ലാസുകാരിയെ പീഡിപ്പിച്ച സ്‌കൂള്‍ അധ്യാപകനും ബി.ജെ.പി നേതാവുമായ പ്രതിയെ രക്ഷിക്കാനുള്ള ശ്രമത്തിന്റെ ഫലമാണ് അറസ്റ്റ് പൊലിസ് വൈകിപ്പിക്കുന്നതെന്നു സംശയിക്കണമെന്ന് കെ. മുരളീധരന്‍ എം.പി.

കേരള രാഷ്ട്രീയത്തില്‍ അവിശുദ്ധ കൂട്ടുക്കെട്ട് രൂപം കൊണ്ടിട്ടുണ്ട്. മുഖ്യമന്ത്രിക്കും ബി.ജെ.പി സംസ്ഥാന പ്രസിഡന്റിനും ഒരേ സ്വരമാണ്. ആ സ്വാധീനം പാലത്തായി കേസിനെയും ബാധിച്ചതായി സംശയിക്കുന്നു. അറസ്റ്റുചെയ്യാത്ത പക്ഷം ശക്തമായ സമര പരിപാടികളുമായി മുന്നോട്ടുപോവുമെന്നും അദ്ദേഹം പറഞ്ഞു.

പാലത്തായിയില്‍ പീഡനത്തിനിരയായി സ്‌കൂള്‍ വിദ്യാര്‍ഥിനിയുടെ വീട് സന്ദര്‍ശിച്ച ശേഷം സംസാരിക്കുകയാരുന്നു കെ. മുരളീധരന്‍. ഡി.സി.സി സെക്രട്ടറി കെ.പി സാജു, മുസ്ലിംലീഗ് മണ്ഡലം പ്രസിഡന്റ് പി.കെ അബ്ദുല്ല, പി.പി.എ സലാം, പി.കെ ഷാഹുല്‍ ഹമീദ്, കെ.പി ഹാഷിം എന്നിവരും എം.പിക്കൊപ്പം ഉണ്ടായിരുന്നു.