ചാലാട്: അശരണര്‍ക്ക് ആശ്രയമേകാന്‍ സാധിക്കുന്നത് പുണ്യമുള്ള കാര്യമാണെന്നും ഇത്തരം കാര്യങ്ങള്‍ക്ക് പ്രാധാന്യം നല്‍കാന്‍ സാധിക്കുന്നത് അഭിനന്ദനാര്‍ഹമാണെന്നും കണ്ണൂര്‍ കോര്‍പറേഷന്‍ ഡെപ്യൂട്ടി മേയര്‍ പി.കെ രാഗേഷ്.
ചാലാട് ശാഖ എസ്.കെ.എസ്.എസ്.എഫ് ആതുരസേവന വിങ്ങായ കൈത്താങ്ങ് റിലീഫ് സെല്ലിന്റെ ആഭിമുഖ്യത്തില്‍ നടത്തുന്ന പെരുന്നാള്‍ കിറ്റിന്റെ വിതരണോദ്ഘാടനം നിര്‍വഹിക്കുകയായിരുന്നു.
ശാഖ പ്രസിഡന്റ് കെ.എന്‍ സുഫൈദ് കിറ്റ് ഏറ്റുവാങ്ങി. ടി.കെ ജുനൈദ് ചാലാട് അധ്യക്ഷനായി. നിഷാദ് മുഹമ്മദ് സ്വാഗതവും ബി.കെ അനീസ് നന്ദിയും പറഞ്ഞു. റഷാദ് ദാരിമി, എം.കെ നിഷാദ്, എന്‍.കെ റഷാദ്, ഹര്‍ഷന്‍ മൗലവി, വി.കെ.പി ജംഷീര്‍ സംസാരിച്ചു.