റിയാദ്: സഊദിയിൽ ഏറ്റുമുട്ടലിൽ പിടികിട്ടാ പുള്ളിയായ ഭീകരൻ കൊല്ലപ്പെട്ടതായി ആഭ്യന്തര മന്ത്രാലയം അറിയിച്ചു. പടിഞ്ഞാറൻ നഗരിയായ തബൂക്കിൽ വെച്ചുണ്ടായ സൈനിക നീക്കത്തിലാണ് ഭീകരൻ വധിക്കപ്പെട്ടത്. സഊദി തീരാഞ് കൊണ്ടിരുന്ന ലിസ്‌റ്റിൽ പെട്ട അബ്ദുറഹീം ബിന്‍ അഹ്മദ് അല്‍ഹുവൈത്തിയെന്ന സ്വദേശി യുവാവാണ് കൊല്ലപ്പെട്ടത്. ഏറ്റുമുട്ടലില്‍ രണ്ടു സുരക്ഷാ സൈനികര്‍ക്ക് പരിക്കേൽക്കുകയും ചെയ്‌തു. അറസ്റ്റ് ചെയ്യുന്നതിന് വീട് വളഞ്ഞ സുരക്ഷാ സൈനികര്‍ കീഴടങ്ങാനായി ആവശ്യപ്പെട്ടെങ്കിലും ഇവർക്ക് നേരെ കെട്ടിടത്തിന്റെ മുകളില്‍ ഭീകരന്‍ വെടിവെപ്പ് നടത്തുകയായിരുന്നു. സുരക്ഷാ ഭടന്മാർക്കൊപ്പം ഒരു സഹോദരനുമാണ് ഇയാളോട് കീഴടങ്ങാൻ നിരന്തരം വിളിച്ചു പറയുന്നുണ്ടായിരുന്നു.

     വെടിവെപ്പും പെട്രോള്‍ ബോംബ് ഏറും ഭീകരന്‍ തുടര്‍ന്നതോടെ ഗത്യന്തരമില്ലാതെ സുരക്ഷാ സൈനികര്‍ നടത്തിയ പ്രത്യാക്രമണത്തില്‍ യുവാവ് കൊല്ലപ്പെടുകയായിരുന്നു. മെഷീൻ ഗൺ, കൈത്തോക്ക്, ഉൾപ്പെടെ വിവിധ ആയുധങ്ങളും 45 വെടിയുണ്ടകളും 13 പെട്രോള്‍ ബോംബുകളും പ്രതിയുടെ പക്കൽ നിന്നും പിടികൂടിയതായും ദേശീയ സുരക്ഷാ ഏജൻസി അറിയിച്ചു.