പരപ്പനങ്ങാടി: മത്സ്യത്തൊഴിലാളികളുടെ വറുതി നേരില്‍ കാണുവാനും പ്രാര്‍ഥന നടത്തുന്നതിനുമായി പാണക്കാട് സയ്യിദ് ഹൈദരലി ശിഹാബ് തങ്ങള്‍ അരയന്‍ കടപ്പുറം മഹല്ലിലെ പുത്തന്‍ കടപ്പുറത്തെത്തി.
ആശ്വാസ വചനങ്ങളുമായെത്തിയ തങ്ങളെ മഹല്ല് കമ്മിറ്റി ഭാരവാഹികള്‍, ഖതീബ്, മുദരിസുമാര്‍, ഉസ്താദുമാര്‍, ദര്‍സ് വിദ്യാര്‍ഥികള്‍, നാട്ടുകാര്‍ എന്നിവരടങ്ങുന്ന വന്‍ജനാവലി സ്വീകരിച്ചു.
പുത്തന്‍കടപ്പുറം ഫിഷ് ലാന്റിങ് പരിസരത്ത് പ്രത്യേകം സജ്ജമാക്കിയ സദസില്‍ നടന്ന പ്രാര്‍ഥനക്ക് തങ്ങള്‍ നേതൃത്വം നല്‍കി. അരയന്‍കടപ്പുറം മഹല്ല് നിവാസികള്‍ക്ക് പാണക്കാട് കുടുംബവുമായുള്ള ആത്മീയ ബന്ധത്തിന് വര്‍ഷങ്ങളുടെ പഴക്കമാണുള്ളത്. സയ്യിദ് മുഹമ്മദലി ശിഹാബ് തങ്ങള്‍ വര്‍ഷങ്ങള്‍ക്കുമുന്‍പ് തുടങ്ങിവച്ച പ്രാര്‍ഥനയാണ് തങ്ങളുടെ വിയോഗത്തെ തുടര്‍ന്ന് ഹൈദരലി തങ്ങള്‍ തുടര്‍ന്ന് കൊണ്ടിരിക്കുന്നത്. പി.വി അബ്ദുല്‍വഹാബ് എം.പി, പി.കെ അബ്ദുറബ്ബ് എം.എല്‍.എ, സയ്യിദ് പി.എസ് എച്ച് തങ്ങള്‍, സയ്യിദ് മുഹമ്മദ് കോയ തങ്ങള്‍ പരപ്പനങ്ങാടി, പി.കെ.എം ശഫീഖ് ദാരിമി ചെര്‍ള, പി.പി.എസ് സൈതലവി, കെ.എസ് സൈതലവി, പി.പി ഇബ്രാഹിം, വി.പി കോയഹാജി, അലി തെക്കേപ്പാട്ട്, പി.പി മൊയ്തീന്‍ബാവ, എം.എച്ച് മുഹമ്മദ്, സി.പി ചെറിയബാവ, പി .എസ് സൈതലവി, ഉമ്മര്‍ ഒട്ടുമ്മല്‍, പി.പി ഹംസ, എ.പി മൊയ്തീന്‍കോയ, എ.പി ഇബ്രാഹിം, ചാലിയന്‍ ഹുസൈന്‍, എം.പി ഹുസൈന്‍, കരണമന്‍ ഇബ്രാഹിംകുട്ടി, യു.പി കുഞ്ഞിമുഹമ്മദ്, കെ.പി നാസര്‍, അഹ്മദ് ബാഖവി, ഹക്കീം മാഹിരി, നൗഷാദ് ചെട്ടിപ്പടി, മന്‍സൂര്‍ അശ്‌റഫി, അബ്ദുല്‍മജീദ് ദാരിമി, സൈതലവി ഫൈസി, മശ്ഹൂദ് മുസ്‌ലിയാര്‍, റാജിബ് ഫൈസി, അനസ് യമാനി, കെ.പി നൗഷാദ്, പി.പി ഷാഹുല്‍ഹമീദ് മാസ്റ്റര്‍ പങ്കെടുത്തു.