ജിദ്ദ: സഊദിയില്‍ ചൂടുകൂടുന്നതിനാല്‍ ജൂണ്‍ 15 മുതല്‍ ഉച്ചവിശ്രമനിയമം പ്രാബല്യത്തില്‍വരും. അതിനിടെ റിയാദിലും കിഴക്കന്‍ പ്രവിശ്യയിലും ചൂട് 47 ഡിഗ്രിയായി ഉയര്‍ന്നു.
സഊദിയിലെ വിവിധ പ്രവിശ്യകളില്‍ കൊടുംചൂടാണ് അനുഭവപ്പെടുന്നത്. ഉഷ്ണക്കാറ്റും വീശുന്നുണ്ട്. തലസ്ഥാനമായ റിയാദില്‍ ചൂടിന്റെ കാഠിന്യം കൂടിവരികയാണ്. വെള്ളിയാഴ്ച 47 ഡിഗ്രിയാണ് ഇവിടെ രേഖപ്പെടുത്തിയ ചൂട്. വരുംദിവസങ്ങളില്‍ ഇത് 50 ഡിഗ്രിയിലേക്ക് ഉയരാന്‍ സാധ്യതയുണ്ട്. ദമാം പ്രവിശ്യയില്‍ ചൂട്കാറ്റ് ആഞ്ഞുവീശുന്നത് ജനജീവിതത്തെ ബാധിക്കുന്നുണ്ട്.