ഇരവിപുരം: സ്വതന്ത്ര കര്‍ഷക സംഘം ഇരവിപുരം മണ്ഡലം കമ്മിറ്റിയുടെ നേതൃത്വത്തില്‍ ശിഹാബ് തങ്ങള്‍ അനുസ്മരണവും റമദാന്‍ റിലീഫും നടന്നു. കൊല്ലൂര്‍വിള പള്ളിമുക്കില്‍ നടന്ന ചടങ്ങില്‍ മുസ്‌ലിം ലീഗ് സെക്രട്ടറിയേറ്റ് അംഗം ഡോ. എ യുനുസ് കുഞ്ഞ് ഉദ്ഘാടനം ചെയ്തു.
ചടങ്ങില്‍ കിറ്റ് വിതരണം മുസ്‌ലിം ലീഗ് ജില്ലാ വൈസ് പ്രസിഡന്റ് ഹാജി എ അബ്ദുല്‍ റഹ്മാനും സാമ്പത്തിക സഹായ വിതരണം കര്‍ഷക സംഘം ജില്ലാ സെക്രട്ടറി എ ഹബീബ് മുഹമ്മദും നിര്‍വഹിച്ചു.
പ്രസിഡന്റ് യു.എ അബ്ദുല്‍ സലാം ചടങ്ങില്‍ അധ്യക്ഷനായി.
മണ്ഡലം ലീഗ് ജനറല്‍ സെക്രട്ടറി എസ് അഹമ്മദ് ഉഖൈല്‍ ശിഹാബ് തങ്ങള്‍ അനുസ്മരണ പ്രഭാഷണവും നാസിമുദ്ദീന്‍ പള്ളിമുക്ക് റമദാന്‍ സന്ദേശവും നല്‍കി.
സെക്രട്ടറി എ ഷാനവാസ് ഖാന്‍, ഖജാന്‍ജി നിളാമുദ്ദീന്‍ മുസ്‌ലിയാര്‍, പ്രവാസി ലീഗ് കൊല്ലം ജില്ലാ സെക്രട്ടറി ഷിയാദ് ഷാനൂര്‍, മുഹമ്മദ് സുഹൈല്‍, ഷൗക്കത്ത് മേവറം, ജലാലുദ്ദീന്‍ മുസ്‌ലിയാര്‍, എന്‍. ഷൗക്കത്ത്, ഫസലുദ്ദിന്‍ സംസാരിച്ചു. അബ്ദുല്‍ റഹിം മുസ്‌ലിയാര്‍ പ്രാര്‍ഥനയ്ക്ക് നേതൃത്വം നല്‍കി.