തിരുന്നാവായ: കളഞ്ഞു കിട്ടിയ രൂപയും ഡ്രൈവിങ് ലൈസന്‍സ് അടക്കമുള്ള രേഖകളും ഉടമയെ കണ്ടെത്തി തിരിച്ചേല്‍പ്പിച്ചു യുവാവ് മാതൃകയായി. തിരുന്നാവായ സ്വദേശി പറമ്പില്‍ സിറാജാണ് കോട്ടക്കലില്‍നിന്ന് കഴിഞ്ഞ ദിവസം വീണുകിട്ടിയ 25,000 രൂപയും പഴ്‌സും ലൈസന്‍സ് അടക്കമുള്ള രേഖകളും ഉടമക്ക് തിരികെ നല്‍കിയത്. ഉടമയെ കണ്ടെത്തുന്നതിനായി സിറാജ് ഇത് സംബന്ധിച്ച സന്ദേശം സാമൂഹിക മാധ്യമങ്ങളില്‍ തന്റെ ഫോണ്‍ നമ്പറടക്കം പോസ്റ്റ് ചെയ്തിരുന്നു. ഇതിനെ തുടര്‍ന്ന് ഉടമസ്ഥനായ കോട്ടക്കല്‍ വലിയപറമ്പ് പുത്തൂര്‍ സ്വദേശി കിഴക്കേ പറമ്പത്ത് റഫീഖ് തിരുന്നാവായയില്‍ എത്തി പൈസയും മറ്റു രേഖകളും സിറാജില്‍ നിന്ന് ഏറ്റുവാങ്ങി.