സാംസങിന്റെ ഏറ്റവും പുതിയ ഗ്യാലക്‌സി നോട്ട് 7 ഓഗസ്റ്റ് രണ്ടിന് വിപണിയിലെത്തും. മനോഹരമായ ബ്ലാക്ക് ഒനിക്‌സ്, സില്‍വര്‍ ടൈറ്റാനിയം,ബ്ലൂ കോറല്‍ എന്നീ മൂന്ന് നിറങ്ങളിലാണ് നോട്ട് 7 അവതരിക്കുക എന്നാണ് വിപണിയില്‍ നിന്നുള്ള സൂചനകള്‍. എന്നാല്‍ ജനപ്രിയ കളറായ ഗോള്‍ഡന്‍ നിറത്തില്‍ ഫോണ്‍ ഇറങ്ങില്ല എന്നാണറിയുന്നത്. ഐറിസ് സ്‌കാനര്‍ സംവിധാനമാണ് നോട്ട് 7ന്റെ ഏറ്റവും വലിയ പ്രത്യേകത. 3600 എം.എ.എച്ച് ബാറ്ററിയാണ് ഇതിനുള്ളത്. അതിനാല്‍ തന്നെ ബ്രൈറ്റ്‌നെസ് ലെവല്‍ പരമാവധി ഉപയോഗിച്ചാലും 20 മണിക്കൂര്‍ വരെ തുടര്‍ച്ചയായി വീഡിയോ പ്ലേ ബാക്ക് ചെയ്യാം എന്നാണ് കമ്പനി അവകാശപ്പെടുന്നത്.

6 ഇഞ്ച് ഡ്യുവല്‍ എഡ്ജ് ഡിസ്‌പ്ലേയും പിന്‍ഭഗത്തെ ക്യാമറ 12 മെഗാപിക്‌സലും മുന്‍ഭാഗത്തെ ക്യാമറ അഞ്ച് എം.പിയുമാണ്. ആന്‍ഡ്രോയ്ഡ് 6.0.1 മാഷ്മലോ ഒ.എസിലായിരിക്കും നോട്ട് 7 പ്രവര്‍ത്തിക്കുക. ക്വാല്‍കോം സ്‌നാപ്ഡ്രാഡണ്‍ 821 പ്രൊസസറും 6 ജി.ബി റാമുമുണ്ടാകും. 64,128,256 ജി.ബി സ്റ്റോറേജ് കപ്പാസിറ്റിയാണ് ഫോണിനുണ്ടാവുക. ഈ വര്‍ഷമാണ് സാംസങ്ങ് ഗ്യാലക്‌സി മൊബൈല്‍ ഫോണ്‍ സീരീസിലെ ഏറ്റവും പുതിയ മോഡലായ എസ് 7 പുറത്തിറങ്ങിയത്. ഫോര്‍കെ ഡിസ്‌പ്ലേയോടു കൂടിയ ഗ്യാലക്‌സി എസ്8 സാംസങ്ങ് ഉടന്‍ പുറത്തിറക്കുമെന്നാണറിയുന്നത്.