ഭോപാല്‍: ലോക്ക് ഡൗണില്‍ വീട്ടില്‍ ഒറ്റയ്ക്കായിരുന്ന അന്ധയായ അന്‍പത്തിമൂന്നുകാരിയെ ബലാത്സംഗത്തിനിരയാക്കി.
ദേശസാത്കൃത ബാങ്കിലെ മാനേജറായ 53 വയസ്സുകാരിയാണ് പീഡനത്തിനിരയായത്.ഇവരുടെ ഭര്‍ത്താവ് ലോക്ഡൗണില്‍ കുടുങ്ങി രാജസ്ഥാനിലായിരുന്നു. ഇതോടെ ഏതാനുംദിവസങ്ങളായി കാഴ്ചശക്തിയില്ലാത്ത സ്ത്രീ ഒറ്റയ്ക്കായിരുന്നു

ബാല്‍ക്കണിയിലൂടെ വീട്ടിനകത്തേക്ക് കടന്ന പ്രതി സ്ത്രീയുടെ ഫോണ്‍ കൈവശപ്പെടുത്തിയ ശേഷം ബലാത്സംഗം ചെയ്യുകയായിരുന്നു.കരച്ചില്‍ കേട്ട് സമീപത്തെ വീട്ടുകാര്‍ വാതില്‍ തുറന്ന് അകത്തെത്തിയപ്പോേഴക്കും പ്രതി രക്ഷപ്പെട്ടു.

സംഭവത്തെ തുടര്‍ന്ന് രാജസ്ഥാനില്‍ കുടുങ്ങിയ ഭര്‍ത്താവിനെ പൊലീസിന്റെ പ്രത്യേക അനുമതിയോടെ വീട്ടിലെത്തിച്ചു.ചൂട് കൂടിയതിനെ തുടര്‍ന്ന് സ്ത്രീ ജനല്‍ തുറന്നിടുകയായിരുന്നു. രണ്ടാം നിലയില്‍ താമസിക്കുന്ന ഇവരുടെ ജനല്‍ വഴിയാണ് അകത്തേക്ക് പ്രവേശിച്ചതെന്നാണ് പൊലിസ് നിഗമനം. പ്രതിക്കായി അന്വേഷണം ശക്തമാക്കിയതായും പൊലീസ് അറിയിച്ചു.