ചെര്‍പ്പുളശ്ശേരി: എസ്. കെ.എസ്. എസ്.എഫ് സര്‍ഗലയ പാലക്കാട് ജില്ലാ സമിതി സംഘടിപ്പിച്ച ജില്ലാ തല ഖുര്‍ആന്‍ പാരായണ മത്സരം 'ഖുര്‍ആന്‍ ടാലന്റ് ഹണ്ട്' ചെര്‍പ്പുളശ്ശേരി സമസ്ത ജില്ലാ കാര്യാലയത്തില്‍ നടന്നു. സര്‍ഗലയ ജില്ലാ സെക്രട്ടറി സൈഫുദ്ദീന്‍ ലത്തീഫി ചിറ്റപ്പുറം അധ്യക്ഷനായി. എസ്. കെ.എസ്. എസ്.എഫ്.ജില്ലാ വര്‍ക്കിങ് സെക്രട്ടറി കുഞ്ഞുമുഹമ്മദ് ഫൈസി ഉദ്ഘാടനം നിര്‍വഹിച്ചു. അല്‍ ഹാഫിള് അബ്ദുറഹ്മാന്‍ അന്‍വരി അല്‍ ഫുര്‍ഖാനി,അല്‍ ഹാഫിള് അബൂബക്കര്‍ സിദ്ധീഖ് അല്‍ മാലികി എന്നിവര്‍ വിധികര്‍ത്താക്കളായി.അബ്ദുര്‍റഹ്മാന്‍ മാസ്റ്റര്‍ മരുതൂര്‍ അവതാരകനായി.
എസ്. കെ. എസ്.എസ്. എഫ്.സംസ്ഥാന സമിതി അംഗം ഹിബത്തുള്ള മാസ്റ്റര്‍,ജില്ലാ ജനറല്‍ സെക്രട്ടറി അഷ്‌കര്‍ മാസ്റ്റര്‍ കരിമ്പ സംസാരിച്ചു. പതിനാല് മേഖലകളിലായി നടന്ന മേഖലാ മത്സരങ്ങളില്‍ ഒന്നും രണ്ടും സ്ഥാനങ്ങള്‍ കരസ്ഥമാക്കിയ പ്രതിഭകള്‍ മാറ്റുരച്ചു.
രണ്ട് ഘട്ടങ്ങളിലായി നടന്ന മത്സരത്തിനൊടുവില്‍ കൊപ്പം മേഖലയിലെ മുഹമ്മദ് നജ്മുദ്ധീന്‍ തിരുവേഗപ്പുറ ഒന്നാം സ്ഥാനവും,ചേര്‍പുളശ്ശേരി മേഖലയിലെ മുഹമ്മദ് ശിയാസ് ചളവറ രണ്ടാം സ്ഥാനവും,പട്ടാമ്പി മേഖലയിലെ മുഹമ്മദ് ജാസിര്‍ മരുതൂര്‍ മൂന്നാം സ്ഥാനവും കരസ്ഥമാക്കി. വിജയികള്‍ക്കും മത്സരാര്‍ഥികള്‍ക്കുമുള്ള ക്യാഷ് പ്രൈസ്,ട്രോഫി, അനുമോദന പത്രം എന്നിവ ചടങ്ങില്‍ വിതരണം ചെയ്തു.
വിഖായ ജില്ലാ കണ്‍വീനര്‍ അബ്ദുസ്സലാം ഫൈസി,ശിഹാബുദ്ധീന്‍ ഉലൂമി മണ്ണാര്‍ക്കാട്, ശരീഫ് ദാരിമി ചെര്‍പ്പുളശ്ശേരി സംബന്ധിച്ചു. സര്‍ഗലയ ജില്ലാ ചെയര്‍മാന്‍ ഉമറുല്‍ ഫാറൂഖ് വിളയൂര്‍ സ്വാഗതവും അല്‍ത്താഫ് മാസ്റ്റര്‍ ചെര്‍പ്പുളശ്ശേരി നന്ദിയും പറഞ്ഞു.