പാലക്കാട്: അട്ടപ്പാടി പാടവയലിന് മുകളിലെ ചമ്മന്തിമലയിലെ ഈറ്റ കാടിനകത്തു് വന്‍ തോതില്‍ കൃഷി ചെയ്തു വന്ന കഞ്ചാവുചെടികള്‍ പാലക്കാട് എക്‌സ് സൈസ് സ്‌പെഷല്‍ സ്‌ക്വാഡ് കണ്ടെത്തി നശിപ്പിച്ചു .നഴ്‌സറി തൈകള്‍ മുതല്‍ ഏഴര അടിയോളം ഉയരമുള്ള വിവിധ പ്രായത്തിലുള്ളതും പൂത്തു നില്‍ക്കുന്നതുമായ കഞ്ചാവ് ചെടികളാണ് അവിടെ ഉണ്ടായിരുന്നത്. 1064 ചെടികളാണ് കണ്ടെത്തി നശിപ്പിച്ചത് .പാലക്കാട് എക്‌സ് സൈസ് ഡെപ്യൂട്ടി കമ്മീഷണര്‍ ജേക്കബ് ജോണിന്റെ നേതൃത്വത്തിലുള്ള സംഘമാണ് റൈഡ് നടത്തിയത് .വളരെ സാഹസികമായി രണ്ട് മലകള്‍ നടന്ന് കയറിയാണ് സംഘം കഞ്ചാവുകൃഷി ചെയ്ത സ്ഥലത്തെത്തിയത് .കാലങ്ങളായി ഇവിടെ കഞ്ചാവ് കൃഷി ചെയ്യുന്നതിന്റെ ലക്ഷണങ്ങള്‍ കാണുന്നതായി റൈഡ് നടത്തിയവര്‍ പറയുന്നു .എന്നാല്‍ ഇവിടെ കാലങ്ങളായി കഞ്ചാവുകൃഷി ചെയ്തു വന്നിട്ടും വനംവകുപ്പ് ഉദ്യോഗസ്ഥര്‍ക്ക് കണ്ടെത്താന്‍ കഴിഞ്ഞിട്ടില്ല.