വാഷിങ്ടണ്‍: കൊവിഡ് ബാധിച്ച് ഏറ്റവും കൂടുതല്‍ പേര്‍ മരിച്ച രാജ്യം അമേരിക്കതന്നെ. എന്നാല്‍ അമേരിക്കയ്ക്കു പുറമേ ഇറ്റലിയിലും മരണസംഖ്യ ഇരുപതിനായിരം പിന്നിട്ടിട്ടുണ്ട്. അമേരിക്കയില്‍ 34,641 പേരാണ് രോഗം ബാധിച്ച് മരിച്ചിരിക്കുന്നത്. 6,78,210 പേര്‍ക്കു രോഗം സ്ഥിരീകരിച്ചപ്പോള്‍ അറുപതിനായിരത്തോളം പേര്‍ രോഗവിമുക്തരായിട്ടുണ്ട്. ഫ്രാന്‍സിലും സ്‌പെയിനിലും മരണസംഖ്യ പതിനയ്യായിരം പിന്നിട്ടു. മറ്റ് രാജ്യങ്ങളിലും മരണ നിരക്കു കൂടുകയാണ്.