കൊച്ചി: ബംഗളൂരുവില്‍ നിന്ന് കൊച്ചിയില്‍ മഅ്ദനി എത്തി. 8.15നുള്ള ഇന്‍ഡിഗോ വിമാനത്തിലാണ് പി.ഡി.പി ചെയര്‍മാന്‍ അബ്ദുന്നാസര്‍ മഅ്ദനി എത്തിയത്. നെടുമ്പാശ്ശേരി വിമാനത്താവളത്തിലെത്തിയ മഅ്ദനിക്ക് പി.ഡി.പി പ്രവര്‍ത്തകര്‍ ഉജ്ജ്വല സ്വീകരണം നല്‍കി.

ആറു വര്‍ഷത്തിന് ശേഷം പെരുന്നാള്‍ ആഘോഷിക്കാന്‍ കഴിയുന്നതിലുള്ള സന്തോഷമുണ്ടെന്നും സര്‍വശക്തന് ഇതിനായി നന്ദി പറയുന്നുവെന്നും മഅ്ദനി പറഞ്ഞു. കൂടാതെ, നീതി ഉറപ്പാക്കാന്‍ വേണ്ടി സഹായിച്ച എല്ലാവര്‍ക്കും തനിക്ക് വേണ്ടി പ്രാര്‍ഥിച്ചവരോടും നന്ദിയുണ്ടെന്നും അദ്ദേഹം പറഞ്ഞു.

താന്‍ പുറപ്പെടുന്നതില്‍ വൈകിയതിന് പിന്നീല്‍ ആസൂത്രിതനീക്കമുള്ളതായി സംശയിക്കുന്നതായും മഅ്ദനി നെടുമ്പാശ്ശേരി വിമാനത്താവളത്തില്‍ മാധ്യമപ്രവര്‍ത്തകരോട് പറഞ്ഞു.