കോഴിക്കോട്: കൊവിഡെന്ന ദുരന്തമുഖത്ത് മുഖ്യമന്ത്രി പിണറായി വിജയന് കഴുകന്റെ മനസാണെന്ന് യൂത്ത് ലീഗ് ജനറല്‍ സെക്രട്ടറി പി.കെ ഫിറോസ്. കൊവിഡ് ബാധിച്ച് മനുഷ്യര്‍ മരിച്ചു വീഴുന്നതുകാണുമ്പോള്‍ ആ മൃതദേഹം കൊത്തിവലിക്കാനാവുമല്ലോ എന്ന സന്തോഷമായിരിക്കും കഴുകന്‍മാര്‍ക്കുണ്ടാകുക.
കെ.എം ഷാജി എം.എല്‍.എക്കുനേരെ എടുത്തിരിക്കുന്ന കള്ളക്കേസ് കാണുമ്പോള്‍ ഈ തരത്തിലല്ലാതെ അദ്ദേഹത്തെ ഉപമിക്കാന്‍ കഴിയില്ലെന്നും ഫിറോസ് പറഞ്ഞു.
കെ.എം. ഷാജിക്കെതിരേ കള്ളക്കേസെടുത്തതിലൂടെ സ്പ്രിംഗര്‍ അഴിമതിയെ മറച്ചുപിടിക്കാമെന്നാവാം പിണറായിയും ഇടതുപക്ഷ നേതൃത്വവും കരുതുന്നതെങ്കില്‍ അതു വെറുതെയാണ്. ഇതിനെതിരേ വരും ദിവസങ്ങളില്‍ ശക്തമായ സമരമുഖത്തേക്ക് യൂത്തുലീഗ് ഇറങ്ങുമെന്നും പി.കെ ഫിറോസ് മുന്നറിയിപ്പു നല്‍കി.