കോട്ടയം: നാളെ ബി.ജെ.പിക്കൊപ്പം ചേരില്ലെന്ന് എന്താണ് ഉറപ്പെന്ന കോണ്‍ഗ്രസ് നേതാവ് വിഎം സുധീരന്റെ ചോദ്യത്തിനു കേരള കോണ്‍ഗ്രസ് (എം ) ചെയര്‍മാന്‍ കെഎം മാണിയുടെ മറുപടി.

Also Read: മാണി നാളെ ബി.ജെ.പിക്കൊപ്പം ചേരില്ലെന്ന് എന്താണ് ഉറപ്പ്?; ആഞ്ഞടിച്ച് സുധീരന്‍

കാര്യമറിയാതെയുള്ള വിമര്‍ശനമാണ് സുധീരന്റേതെന്നു മാണി പ്രസ്താവനയില്‍ പറഞ്ഞു. കാര്യങ്ങള്‍ വസ്തുനിഷ്ഠമായി പരിശോധിച്ച ശേഷമാകണം പ്രസ്താവനകള്‍ നടത്തേണ്ടത്. സുധീരന് അമിതാവേശമാണ്. ഇത്തരത്തിലുള്ള ഒരു സമീപനം അദ്ദേഹത്തില്‍ നിന്ന് കേരളം പ്രതീക്ഷിച്ചില്ലെന്നും മാണി പറഞ്ഞു.

ചാഞ്ചാട്ട രാഷ്ട്രീയം കളിക്കുന്ന മാണിയുടെ വിശ്വാസ്യതയില്‍ സംശയമുണ്ടെന്ന് സുധീരന്‍ കാസര്‍ക്കോട്ട് പറഞ്ഞിരുന്നു. ബി.ജെ.പിക്കൊപ്പം പോകില്ലെന്ന് കെ.എം മാണി പ്രഖ്യാപിക്കണം. യു.ഡി.എഫില്‍ എത്തിയ ശേഷവും സമദൂരം എന്ന് പറയുന്നത് എങ്ങനെയാണെന്നു സുധീരന്‍ ചോദിച്ചു. നിലപാടില്‍ മാണി വ്യക്തത വരുത്തണമെന്നും സുധീരന്‍ ആവശ്യപ്പെട്ടു.