കൊടുവള്ളി: കഴിഞ്ഞ ദിവസമുണ്ടണ്ടായ ശക്തമായ മഴയിലും കാറ്റിലും വീടിനു മുകളില്‍ മരം വീണ് നാശനഷ്ടം. കിഴക്കോത്ത് പഞ്ചായത്തിലെ പരപ്പാറ ആയിക്കോട്ടുമ്മല്‍ പ്രഭാവതിയുടെ വീടിനു മുകളിലാണ് കഴിഞ്ഞദിവസം മരം വീണത്. ഓടിട്ട വീട് ഭാഗികമായി തകര്‍ന്ന നിലയിലാണ്. പിഞ്ചുകുഞ്ഞടക്കം വീടിനുള്ളിലുണ്ടണ്ടായിരുന്നവര്‍ തലനാരിഴക്കാണ് രക്ഷപ്പെട്ടത്.
വീടിനു മുകളില്‍ പ്ലാവ് വീണ് നാശനഷ്ടം. പറമ്പത്ത് കാവ് നെല്ലിക്കണ്ടികുണ്ടത്തില്‍ പുഷ്പലതയുടെ ഓടിട്ട വീടിനു മുകളിലാണ് പ്ലാവ് വീണത്. വീട് ഭാഗികമായി തകര്‍ന്നു. വൈദ്യുത ലൈനിലേക്ക് മരം വീണതിനാല്‍ വൈദ്യുതബന്ധവും തകരാറിലായി.