തൊടുപുഴ: സ്വതന്ത്ര കര്‍ഷക സംഘം തൊടുപുഴ നിയോജകമണ്ഡലം കമ്മിറ്റി പരിസ്ഥിതി കാമ്പയിനും ഇഫ്താര്‍ സംഗമവും സംഘടിപ്പിച്ചു. നിയോജകമണ്ഡലം പ്രസിഡന്റ് എന്‍.പി കൊന്താലത്തിന്റെ അദ്ധ്യക്ഷതയില്‍ നടന്ന ചടങ്ങ് ഇടുക്കി പ്രസ് ക്ലബ് പ്രസിഡന്റ് അഷ്‌റഫ് വട്ടപ്പാറ ഉദ്ഘാടനം ചെയ്തു.തൊടുപുഴ പെരുമ്പിള്ളിച്ചിറ അല്‍ അസ്ഹര്‍ പബ്ലിക് സ്‌കൂള്‍ പ്രിന്‍സിപ്പല്‍ നൗഷാദ് കാസിം മുഖ്യപ്രഭാഷണം നടത്തി.
ആശംസകള്‍ അര്‍പ്പിച്ച് മുസ്ലിം ലീഗ് സംസ്ഥാന സെക്രട്ടറിയേറ്റ് മെമ്പര്‍ കെ.എം.എ ഷുക്കൂര്‍, ജില്ലാ ജനറല്‍ സെക്രട്ടറി എ.എം ഹാരിദ്, വൈസ് പ്രസിഡന്റുമാരായ പി.പി അസീസ് ഹാജി, പി.എസ് അബ്ദുല്‍ ജബ്ബാര്‍, എം.എം ബഷീര്‍, സെക്രട്ടറിമാരായ അഡ്വ. ഇ.എസ് മൂസ, ടി.എസ് ഷംസുദ്ദീന്‍ , സലിം കൈപ്പാടം, സ്വതന്ത്ര കര്‍ഷക സംഘം ജില്ലാ പ്രസിഡന്റ് മുഹമ്മദ് ഇരുമ്പുപാലം, കെ.എച്ച് അബ്ദുല്‍ ജബ്ബാര്‍, കെ.എ യൂനസ് , പി.കെ മൂസ, എം.എസ്.എഫ് സംസ്ഥാന സെക്രട്ടറി സല്‍മാന്‍ ഹനീഫ് , ജില്ലാ പ്രസിഡന്റ് കെ.എം അന്‍വര്‍, മുഹമ്മദ് ഷെഹിന്‍ഷാ, യൂത്ത് ലീഗ് നിയോജകമണ്‍ഡലം ജനറല്‍ സെക്രട്ടറി നിസാര്‍ പഴേരി എസ്.ടി.യു, പ്രവാസി ലീഗ് ,കര്‍ഷകസംഘം ഭാരവാഹികളായ ഒ.ഇ ലത്തീഫ്, പി.എം.എ റഹിം, കെ.എ അന്‍ഷാദ്, വി.എ സെയ്ത് മുഹമ്മദ്, മീരാന്‍ ഹാജി എന്നിവര്‍ സംസാരിച്ചു.