പഴയങ്ങാടി: പഴയങ്ങാടി ജ്വല്ലറി കവര്‍ച്ചയിലെ പ്രതികളെ ഉടന്‍ പിടികൂടുമെന്ന് അന്വേഷണ സംഘ തലവന്‍ ഡിവൈ.എസ്.പി കെ.വി വേണുഗോപാല്‍. എന്നാല്‍ പ്രതികളെ തിരിച്ചറിയാന്‍ കഴിയാതെ എങ്ങനെ പിടികൂടും എന്ന ചോദ്യം പൊലിസിന് മുന്നില്‍ വലിയ കടമ്പയായി നില്‍കുന്നു പൊലിസ് തന്നെ പറയുന്നു അതിവിദഗ്ധമായിട്ടാണ് കവര്‍ച്ച ആസൂത്രണം ചെയ്തത് എന്നാണ് 30 ഓളം സി.സി ടി.വികള്‍ പരിശോധിച്ചിട്ടും പ്രതികള്‍ എന്ന് സംശയിക്കുന്ന ഒരു തെളിവും പൊലിസിന് ലഭിച്ചിട്ടില്ല. ഇനിയും 15 ഓളം സി.സി ടി.വികള്‍ പരിശോധിക്കാന്‍ ഉണ്ടന്നും പൊലിസ് പറയുന്നു കവര്‍ച്ച നടത്തിയതിന് ശേഷം കവര്‍ച്ചക്കാര്‍ ഏത് വഴിയാണ് പോയത് എന്ന് പോലും പൊലിസിന് കൃത്യമായി ഒരു തെളിവും ലഭിച്ചിട്ടില്ല. കവര്‍ച്ച നടന്ന ജ്വല്ലറിയുടെ അടുത്തുള്ള സൗത്ത് ഇന്ത്യന്‍ ബേങ്കിന്റെ എ.ടി.എം കൗണ്ടറിലുള്ള സി.സി ടി.വി പരിശോധിച്ചാല്‍ എന്തെകിലും സൂചന കിട്ടുമെന്ന പ്രതീക്ഷയിലാണ് പൊലിസ് സി.സി ടി.വി ദൃശ്യത്തിനായി ബേങ്കുമായി ബന്ധപ്പെട്ടിട്ടുണ്ടെന്നും എന്നാല്‍ അവര്‍ നല്ല രീതിയില്‍ സഹകരിക്കുന്നില്ല എന്നും പൊലിസിന് പരാതിയുണ്ട്.
കാസര്‍കോഡ്, തൃശൂര്‍, കര്‍ണാടക എന്നിവടങ്ങളിലാണ് പൊലിസ് ലിസ്റ്റിലുള്ള ജ്വല്ലറി കവര്‍ച്ചക്കാര്‍. എന്നാല്‍ ഇവര്‍ ആരും തന്നെ ഇവിടെ എത്തിയിട്ടില്ല എന്ന് പൊലിസ് സ്ഥിരീകരിച്ചിട്ടുണ്ട് കണ്ണൂര്‍ ശൈലിയില്‍ മലയാളം സംസാരിക്കുന്നവരാണ് കവര്‍ച്ചക്കാര്‍ എന്ന് ഓട്ടോ ഡ്രൈവറുടെ മൊഴിയിലൂടെ പൊലിസ് കണ്ടെത്തിയിട്ടുണ്ട്.