മോസ്‌കോ: അമേരിക്ക സന്നദ്ധത അറിയിച്ചാല്‍ ഡൊണാള്‍ഡ് ട്രംപുമായി കൂടിക്കാഴ്ച നടത്താന്‍ താന്‍ തയാറാണെന്ന് റഷ്യന്‍ പ്രസിഡന്റ് വ്‌ളാദ്മിര്‍ പുടിന്‍. കൂടിക്കാഴ്ചയ്ക്ക് വിയന്ന വേദിയായി നിശ്ചയിക്കാമെന്നും അദ്ദേഹം നിര്‍ദേശിച്ചു.
അമേരിക്ക എത്ര വേഗത്തില്‍ ചര്‍ച്ചയ്ക്കു തയാറുകുന്നോ അത്രയും പെട്ടെന്നു താനും അതിന് ഒരുങ്ങുമെന്ന് പുടിന്‍ മാധ്യമപ്രവര്‍ത്തരോട് പറഞ്ഞു. ഓസ്ട്രിയയെ പോലെയുള്ള നിരവധി രാജ്യങ്ങള്‍ കൂടിക്കാഴ്ചയ്ക്കു വേദിയൊരുക്കാന്‍ സന്നദ്ധമാണെന്ന് അറിയിച്ചതായും പുടിന്‍ പറഞ്ഞു.