തുറവൂര്‍: ദേശീയ പാതയോരത്ത് അപകട ഭീഷണിയുയര്‍ത്തി നിന്ന വന്‍ മരത്തിന്റെ ശിഖരങ്ങള്‍ മുറിച്ചു നീക്കി. താലൂക്കാശുപത്രിക്കു മുന്നില്‍ റോഡിന് കിഴക്കുഭാഗത്ത് പാതയ്ക്ക് മുകളിലേക്ക് ചാഞ്ഞ് കിടന്നിരുന്ന ഭാഗമാണ് വെട്ടി നീക്കിയത്.പാതയ്ക്കു റോഡിലുടെ വരുന്ന വാഹനങ്ങള്‍ക്കും  സമീപത്തെ വ്യാപാരികള്‍ക്കും കാല്‍നടയാത്രക്കാര്‍ക്കും ഭീഷണിയായി നിന്നിരുന്ന വന്‍മരത്തിന്റെ ശിഖരങ്ങളാണ് അധികൃതര്‍ കഴിഞ്ഞ ദിവസം നീക്കം ചെയ്തത്. മരത്തിന്റെ ശിഖരങ്ങള്‍ക്കിടയിലൂടെ നിരവധി വൈദ്യുതി കമ്പികളാണ് കടന്നുപോയിരുന്നത്. ഇത് സമീപവാസികളെ ഭീതിയിലാക്കിയിരുന്നു. മരക്കൊമ്പുകള്‍ നീക്കം ചെയ്യാന്‍ നടപടി സ്വീകരിക്കണമെന്ന പരിസര വാസികളുടെ ആവശ്യത്തിന് വര്‍ഷങ്ങളുടെ പഴക്കമുണ്ട്.