റിയാദ്: കാലാവസ്ഥാ വ്യതിയാനത്തിന്റെ ഭാഗമായി റിയാദിൽ ശക്തമായ മഴ. തിങ്കളാഴ്ച രാത്രി എട്ട് മണിയോടെയാണ്‌ ഇടിയും മിന്നലിന്റെയും അകമ്പടിയോടെ മഴയെത്തിയത്. റിയാദിനെ കൂടാതെ മക്കയിലും ശക്തമായ മഴ പെയ്യുന്നുണ്ട്.  കർഫ്യൂ മൂലം ജനങ്ങൾ വീടുകളിൽ ആയതിനാൽ ട്രാഫിക് അടക്കമുള്ള പ്രശ്നങ്ങൾ ഉണ്ടായില്ല. പലയിടങ്ങളിലും റോഡുകളിൽ വെള്ളക്കെട്ടുകൾ രൂപപ്പെട്ടു.  ശാരിരികാസ്വാസ്ഥ്യങ്ങൾക്ക് സാധ്യതയുള്ളതിനാൽ ജനങ്ങൾ ജാഗ്രത പാലിക്കണമെന്ന് ആരോഗ്യ മന്ത്രാലയം ആവശ്യപ്പെട്ടിട്ടുണ്ട്. എന്തെങ്കിലും ബുദ്ധിമുട്ടുള്ളവർക്ക് 997 എന്ന നമ്പറിൽ സഹായം ആവശ്യപ്പെടാമെന്നും അധികൃതർ വ്യക്തമാക്കി. കൂടാതെ സൗദി റെഡ് ക്രസന്റ് അതോറിറ്റിയുടെ ആപ്ലിക്കേഷൻ വഴി രജിസ്റ്റർ ചെയ്തും സേവനം തേടാം.