തിരുന്നാവായ: മെഡിക്കല്‍ എന്‍ട്രന്‍സ് പരീക്ഷയില്‍ ദേശീയ തലത്തില്‍ ശ്രദ്ധേയമായ വിജയം നേടിയ സി.വി അസ്‌നയെ ഹീറോസ് ക്ലബിന്റെ ആഭിമുഖ്യത്തില്‍ ജന്മനാട് ആദരിച്ചു. എടക്കുളം കാദനങ്ങാടി ചിറ്റകത്ത് വാരിയത്താഴത്ത് മുദ്ര ഹനീഫയുടെ മകളാണ് ഇരുപത് വയസുകാരിയായ അസ്‌ന.
എടക്കുളം ഇര്‍ശാദുസ്വിബിയാന്‍ മദ്‌റസ ഓഡിറ്റോറിയത്തില്‍ നടന്ന ചടങ്ങ് പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ കെ.വി അബ്ദുല്‍ ഖാദര്‍ ഉദ്ഘാടനം ചെയ്തു. ഇ.പി മൊയ്തീന്‍ കുട്ടി അധ്യക്ഷനായി. പഞ്ചായത്തംഗം കെ.പി പ്രഭാകരന്‍, ചിറക്കല്‍ ഉമ്മര്‍, കെ.എം. കുഞ്ഞു, ടി.കെ. മുഹമ്മദ് കുട്ടി, ബക്കര്‍ അമരിയില്‍, കെ.പി ഖമറുല്‍ ഇസ്‌ലാം, സി.പി സുലൈമാന്‍, ഇ.പി റണീബ് , ഹസ്സന്‍ കാദനങ്ങാടി എന്നിവര്‍ സംസാരിച്ചു. എസ്.എസ്.എല്‍.സി, മദ്‌റസ പൊതു പരീക്ഷയില്‍ ഉന്നത വിജയം നേടിയ വിദ്യാര്‍ഥികളെയും ചടങ്ങില്‍ ആദരിച്ചു.