കണ്ണൂര്‍: റെഡ് സോണ്‍ ജില്ലയായ കണ്ണൂരില്‍ ലോക്ഡൗണ്‍ ലംഘിച്ച് ജനം റോഡില്‍. രാവിലെ ഏഴു മണി മുതലാണ് തിരക്ക് അനുഭവപ്പപ്പെട്ടു തുടങ്ങിയത്.

വാഹനങ്ങളുമായി ജനങ്ങള്‍ കൂട്ടത്തോടെ വാഹനങ്ങളുമായി ഇറങ്ങിയതോടെ, ദേശീയപാതയില്‍ താണെയിലും താഴേചൊവ്വയ്ക്കും ഇടയില്‍ വാഹനങ്ങളുടെ നീണ്ടനിരയാണ് പ്രത്യക്ഷപ്പെട്ടത്.

ജില്ലയില്‍ ഇന്നു മുതല്‍ ട്രിപ്പിള്‍ ലോക്ഡൗണ്‍ ഏര്‍പ്പെടുത്തിയിട്ടുണ്ട്. എന്നാല്‍ ഇതെല്ലാം അവഗണിച്ചാണ് ജനങ്ങള്‍ നിരത്തിലിറങ്ങിയത്.

അതേസമയം, ജനങ്ങള്‍ വിലക്ക് ലംഘിച്ച് പുറത്തിറങ്ങിയാല്‍ അറസ്റ്റ് ചെയ്യുമെന്നും വാഹനങ്ങള്‍ പിടിച്ചെടുക്കുമെന്നും ഐ.ജി മുന്നറിയിപ്പ് നല്‍കിയിട്ടുണ്ട്.