റിയാദ്: സഊദിയിൽ കഴിഞ്ഞ 24 മണിക്കൂറിനിടെ വൈറസ് ബാധയേറ്റു ആറു പേർ മരണപ്പെട്ടതായി സഊദി ആരോഗ്യ മന്ത്രാലയം വ്യക്തമാക്കി. 1147 ആളുകൾക്ക് പുതുതായി വൈറസ് ബാധയേൽക്കുകയും ചെയ്‌തിട്ടുണ്ട്‌. ഇതോടെ രാജ്യത്തെ വൈറസ് ബാധേയറ്റു മരണപ്പെട്ടവരുടെ എണ്ണം 109 ആയും ആകെ വൈറസ് ബാധിതരുടെ എണ്ണം 11631 ആയും ഉയർന്നു. ഇവരിൽ 9882 രോഗികളാണ് ചികിത്സയിൽ കഴിയുന്നത്. 1640 ആളുകൾ രോഗ മുക്തി നേടുകയും ചെയ്‌തതായും സഊദി ആരോഗ്യ മന്ത്രാലയം അറിയിച്ചു. ഇന്ന് മാത്രം 150 പേർക്കാണ് രോഗ മുക്തിയുണ്ടായത്. 24 മണിക്കൂറും വിവിധ സന്നാഹങ്ങളുമായി രാജ്യത്തെ വിവിധ കേന്ദ്രങ്ങൾ കേന്ദ്രീകരിച്ച് സഊദി ആരോഗ്യ മന്ത്രാലയത്തിന്റെ കൊവിഡ്-19 പരിശോധന തുടരുകയാണ്. ഇതാണ് വൈറസ് ബാധിതരുടെ എണ്ണം കുത്തനെ ഉയരാൻ കാരണം. 150 സംഘങ്ങളാണ് വൈറസ് പരിശോധനയിൽ ഫീൽഡിൽ ഏർപ്പെട്ടിരിക്കുന്നത്.

#الصحة⁩ تعلن عن تسجيل (1147) حالة إصابة جديدة بفيروس ⁧#كورونا⁩ الجديد (كوفيد19)، وتسجيل (6) حالات وفيات رحمهم الله، وتسجيل (150) حالة تعافي ليصبح مجموع الحالات المتعافية (1640) حالة ولله الحمد. pic.twitter.com/2ofzJv4LLq

— و ز ا ر ة ا لـ صـ حـ ة السعودية (@SaudiMOH) April 21, 2020

   ചൊവ്വാഴ്ച്ച ഏറ്റവും കൂടുതൽ വൈറസ് ബാധ കണ്ടെത്തിയത് മക്കയിലാണ്. മക്കയിൽ 305 കേസുകളാണ് സ്ഥിരീകരിച്ചത്. ഇതോടെ മക്കയിലെ ആകെ വൈറസ് ബാധിതരുടെ എണ്ണം 2857 ആയി ഉയർന്നു. 2472 രോഗികളാണ് ചികിസയിൽ കഴിയുന്നത്. 345 പേർക്ക് രോഗം സുഖപ്പെടുകയും 40 പേർ മരണപ്പെടുകയും ചെയ്‌തു. മദീനയിൽ പുതുതായി 299 വൈറസ് കണ്ടെത്തിയതോടെ ആകെ വൈറസ് ബാധിതരുടെ എണ്ണം 2008 ആയി. ഇവരിൽ 32 രോഗികൾ രോഗമുക്തി നേടുകയും 32 പേർ മരണപ്പെടുകയും ചെയ്‌തു. നിലവിൽ 1944 രോഗികളാണ് ചികിത്സയിൽ കഴിയുന്നത്. ഇന്ന് ജിദ്ദയിൽ 171 കേസുകൾ സ്ഥിരീകരിച്ചതോടെ ജിദ്ദയിൽ വൈറസ് ബാധിതരുടെ എണ്ണം 1935 ആയി ഉയർന്നു. 1679 രോഗികളാണ് ചികിത്സയിൽ കഴിയുന്നത്. 237 പേർക്ക് രോഗം സുഖപ്പെടും 19 പേർ മരണപ്പെടുകയും ചെയ്‌തു.

     റിയാദിൽ ചൊവ്വാഴ്ച്ച 148 കേസുകൾ സ്ഥിരീകരിച്ചതോടെ വൈറസ് ബാധിതരുടെ എണ്ണം 2358 ആയി ഉയർന്നിട്ടുണ്ട്. 1762 രോഗികളാണ് ചികിത്സയിൽ കഴിയുന്നത്. ആറു പേർ മരണത്തിനു കീഴടങ്ങുകയും 590 രോഗികൾ മുക്തരാകുകയും ചെയ്‌തു. ഹുഫൂഫ് 138, ത്വായിഫ് 27, ജുബൈൽ 12, തബൂക് 10, ഖുലൈസ് 08, ബുറൈദ 06, ദമാം 05, അൽ മഖ്‌വ 03, ഉനൈസ, അൽഹദ, അറാർ, ദഹ്‌റാൻ (രണ്ടു വീതം വൈറസ് ബാധിതർ), മഹായിൽ അസീർ, അൽ ജൗഫ്, ഖുൻഫുദ, ഖുറയ്യാത്, സബ്‍ത് അൽ അലായ, അൽ ഖുറൈഹ്, അൽബാഹ എന്നിവിടങ്ങളിൽ ഓരോ ബാധ കേസുകളുമാണ് സഊദി ആരോഗ്യ മന്ത്രാലയം സ്ഥിരീകരിച്ചത്.