കക്കട്ടില്‍ (കോഴിക്കോട്): കൊവിഡിനെതിരേ പോരാടുന്നവര്‍ക്കു മാജിക് അവതരിപ്പിച്ചുകൊണ്ട് ആദരവ് നല്‍കാന്‍ ഇന്ത്യയിലെ മാന്ത്രികര്‍ ഒരുമിക്കുന്നു.
കോവിഡിനെതിരേ പൊരുതുന്ന ഡോക്ടര്‍മാര്‍, നഴ്‌സുമാര്‍, പാരാമെഡിക്കല്‍ ജീവനക്കാര്‍, നിയന്ത്രണങ്ങള്‍ പാലിക്കുന്നതില്‍ ജാഗ്രത പുലര്‍ത്തുന്ന പൊലിസ്, ജനപ്രതിനിധികള്‍, മാധ്യമപ്രവര്‍ത്തകര്‍ എന്നിര്‍ക്കെല്ലാം ആദരവ് നല്‍കിക്കൊണ്ടാണ് 'എന്റെ മാജിക് ലോകനന്മയ്ക്കായി' എന്ന പേരില്‍ മാന്ത്രിക പരിപാടിയൊരുക്കുന്നത്.
രാജ്യത്തെ പതിനായിരത്തോളം മാന്ത്രികര്‍ ഒരേസമയം രംഗത്തെത്തി തങ്ങളുടെ തനതു മാജിക് കാണിച്ചാണ് ഐക്യദാര്‍ഢ്യമറിയിക്കുന്നത്. ഏപ്രില്‍ 26ന് വൈകീട്ട് നാലു മണിക്കാണ് ഫേസ്ബുക്ക്, വാട്ട്‌സ് ആപ്പ്, ഇന്‍സ്റ്റഗ്രാം, യൂട്യൂബ് തുടങ്ങിയ സമൂഹമാധ്യമങ്ങളില്‍ ഒരു മിനിറ്റ് നേരം മാജിക് അരങ്ങേറുന്നത്.