തിരുവനന്തപുരം: സംസ്ഥാനത്തെ കൊവിഡ് ഹോട്ട്‌സ്‌പോട്ടുകളില്‍ വീണ്ടും തിരുത്ത്. ഇത് മൂന്നാംതവണയാണ് ഹോട്ട്‌സ്‌പോട്ടുകളില്‍ മാറ്റംവരുത്തി സര്‍ക്കാര്‍ ഉത്തരവിറക്കുന്നത്. ഇന്നലെ പുറത്തിറക്കിയ ഉത്തരവില്‍ 70 തദ്ദേശ സ്ഥാപനങ്ങളെയാണ് ഹോട്ട്‌സ്‌പോട്ടുകളായി നിര്‍ണയിച്ചിരുക്കുന്നത്. 

ആദ്യം പുറത്തിറക്കിയ ഉത്തരവില്‍ ഇത് 88 ഉം പിന്നീട് 86 മായിരുന്നു. തിരുവനന്തപുരം ജില്ലയിലെ വര്‍ക്കല മുനിസിപ്പാലിറ്റിയെയും മലയിന്‍കീഴ് പഞ്ചായത്തിനെയും ഹോട്ട്‌സ്‌പോട്ടില്‍ നിന്ന് ഒഴിവാക്കി. കണ്ണൂര്‍ ജില്ലയിലെ കതിരൂര്‍, ചൊക്ലി പഞ്ചായത്തുകളെയും കോഴിക്കോട് ജില്ലയിലെ നാദാപുരം പഞ്ചായത്തിനെയും കാസര്‍കോട് ജില്ലയിലെ ബദിയടുക്ക പഞ്ചായത്തിനെയും ഹോട്ട്‌സ്‌പോട്ടില്‍ നിന്ന് ഒഴിവാക്കി. രോഗികള്‍ നല്‍കിയ മേല്‍വിലാസം സംബന്ധിച്ച വിവരങ്ങളില്‍ പിഴവ് വന്നതാണ് ഹോട്ട്‌സ്‌പോട്ടുകളില്‍ മാറ്റം വരാന്‍ കാരണമെന്നാണ് ആരോഗ്യവകുപ്പ് അധികൃതരുടെ വിശദീകരണം.