മനാമ: ബഹ്റൈനിൽ പുതുതായി 289 പേർക്ക് കൂടി കോവിഡ് വൈറസ് ബാധ സ്ഥിരീകരിച്ചതായി ബഹ്റൈന്‍ ആരോഗ്യമന്ത്രാലയം അറിയിച്ചു. ഇവരിൽ 212 പേർ വിദേശ തൊഴിലാളികളാണ്.

കഴിഞ്ഞ ദിവസം നടന്ന5334ലബോറട്ടറി ടെൽസ്റ്റിലൂടെയാണ് ഇത്രയും പേരിൽ രോഗം കണ്ടെത്തിയതെന്ന് റിപ്പോർട്ടുണ്ട്.

കഴിഞ്ഞദിവസം പ്രാദേശിക സമയം 5 മണി വരെ ലഭിച്ച ആരോഗ്യ മന്ത്രാലയത്തിന്‍റെ റിപ്പോര്‍ട്ടനുസരിച്ച് ബഹ്റൈനിലിപ്പോള്‍ ചികിത്സയില്‍ കഴിയുന്നവരുടെ എണ്ണം 1385 ആണ്. 

ഇതിനിടെ 31 പേർ കൂടി കഴിഞ്ഞദിവസം സുഖം പ്രാപിച്ചതോടെ രാജ്യത്ത് രോഗമുക്തി നേടിയവരുടെ എണ്ണം 1113 ആയി ഉയര്‍ന്നിട്ടുണ്ട്. ഇതിനകം രാജ്യത്ത് 105365 പേരില്‍ കോവിഡ് ‍ടെസ്റ്റ് നടന്നതായും ആരോഗ്യമന്ത്രാലയത്തിന്‍റെ റിപ്പോര്‍ട്ടില്‍ വ്യക്തമാക്കിയിട്ടുണ്ട്.