സിയോള്‍: കൊവിഡ് പടര്‍ന്നുപിടിക്കുമ്പോള്‍, അതിനെ പ്രതിരോധിക്കുന്നതിനായി പൗരന്‍മാര്‍ക്കു രണ്ടു വര്‍ഷത്തേയ്ക്കു ബാധകമാകുന്ന നിര്‍ദേശങ്ങളുമായി ദക്ഷിണ കൊറിയ. സാധാരണ നിലയിലേക്കു രാജ്യത്തെ തിരികെയെത്തിക്കുന്നതിന് ഇന്നലെയാണ് ഈ നിര്‍ദേശങ്ങള്‍ പുറത്തുവിട്ടത്.ഉത്തരവാദിത്തബോധത്തോടെയുള്ള ജോലി, പൊതുഗതാഗത സംവിധാനങ്ങള്‍ക്കു ബുക്കിങ്, ചൂടുള്ള ആഹാരം, ഒറ്റയ്ക്കുള്ള യാത്ര എന്നിവയാണ് നിര്‍ദേശങ്ങളില്‍ ഉള്‍പ്പെടുന്നത്. കൊവിഡ് ഭീഷണി രണ്ടു വര്‍ഷത്തോളം നീളുമെന്നു വിദഗ്ധര്‍ വ്യക്തമാക്കിയതിനു പിന്നാലെ, വൈറസ് ബാധ അടുത്തൊന്നും ഒഴിയില്ലെന്നു വ്യക്തമാക്കി ലോകാരോഗ്യ സംഘടനയും രംഗത്തെത്തിയിരുന്നു.