കോഴിക്കോട്: അപ്പവാണിഭ നേര്‍ച്ചയ്ക്ക് ഇന്ന് തുടക്കമാകും. വൈകിട്ട്4 ന് നടക്കുന്ന അജ്മീര്‍ ഖാജാ അനുസ്മരണം സമസ്ത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസ്സലാം മുസ്‌ലിയാരുടെ അധ്യക്ഷതയില്‍ എസ്.വൈ.എസ് ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. ശുഐബ് ഹൈതമി വാരാമ്പറ്റ പ്രഭാഷണം നടത്തും. രാത്രി 8 ന് നടത്തുന്ന മൗലിദ് പാരായണത്തിനും ദുആ മജ്‌ലിസിനും അബ്ദുല്‍ ഖാദിര്‍ ഖാസിമി മാണിയൂര്‍ നേതൃത്വം വഹിക്കും. നാളെ രാത്രി 8.30 ന് നടക്കുന്ന മതപ്രഭാഷണ പരമ്പരയില്‍ കെ.പി മുഹമ്മദലി ദാരിമി ശ്രീകണ്ഠപുരവും ബുധനാഴ്ച രാത്രി അലവി ദാരിമി കുഴിമണ്ണയും പ്രസംഗിക്കും.
വ്യാഴാഴ്ച വൈകിട്ട് 4ന് നടക്കുന്ന സ്വലാത്ത് വാര്‍ഷിക സംഗമം സമസ്ത സെക്രട്ടറി കൊയ്യോട് പി.പി ഉമര്‍ മുസ്‌ലിയാരുടെ അധ്യക്ഷതയില്‍ കോഴിക്കോട് വലിയ ഖാസി സയ്യിദ് അബ്ദുല്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്യും. സുഹൈല്‍ ദാരിമി പള്ളിക്കര പ്രഭാഷണം നടത്തും. മഗ്‌രിബ് നിസ്‌കാരാനന്തരം നടത്തുന്ന സ്വലാത്ത് മജ്‌ലിസിന് സമസ്ത കേന്ദ്രമുശാവറ അംഗം വാവാട് കുഞ്ഞിക്കോയ മുസ്‌ലിയാര്‍ നേതൃത്വം നല്‍കും.
13ന് രാവിലെ 11ന് നടക്കുന്ന സമാപന ഖത്തം ദുആ മഹാസംഗമത്തിന് പാണക്കാട് സയ്യിദ് ഹൈദരലി ശിഹാബ് തങ്ങള്‍ നേതൃത്വം നല്‍കും.