മനാമ: സമസ്ത ബഹ്‌റൈന്‍ ഗുദൈബിയ ഘടകം സംഘടിപ്പിക്കുന്ന അഞ്ചാം വാര്‍ഷിക ത്രിദിന മത പ്രഭാഷണ പരമ്പരയുടെ സമാപനം ഇന്ന് രാത്രി 8.മണിക്ക് ബഹ്‌റൈന്‍ കേരളീയ സമാജത്തില്‍ ശൈഖ് സല്‍മാന്‍ അബ്ദുല്ല ഹമദ് അല്‍ ഖലീഫ ഉദ്ഘാടനം ചെയ്യും.

അഞ്ചാം വാര്‍ഷികത്തോടനുബന്ധിച്ച് സമസ്ത പുറത്തിറക്കുന്ന സുവനീറിന്റെ പ്രകാശനവും അദ്ദേഹം നിര്‍വ്വഹിക്കും. ചടങ്ങില്‍ ജാമിഅ അസ്അദിയ്യ പ്രൊഫസറും വാഗ്മിയുമായ അബ്ദുല്‍ ഫത്താഹ് ദാരിമി മുഖ്യ പ്രഭാഷണം നടത്തും.

തുടര്‍ന്ന് നടക്കുന്ന വിപുലമായ ആത്മീയ സദസ്സിനും പ്രാര്‍ത്ഥനക്കും സൂഫി വര്യനും സമസ്ത കേന്ദ്ര മുശാവറ അംഗവും കണ്ണൂര്‍ ജില്ലാ ജന.സെക്രട്ടറിയുമായ ശൈഖുനാ മാണിയൂര്‍ അഹ്മദ് മുസ്ലിയാര്‍ നേതൃത്വം നല്‍കും. സമസ്ത ബഹ്‌റൈന്‍ കേന്ദ്ര ഏരിയാ നേതാക്കളും സ്വദേശി പ്രമുഖരും സംബന്ധിക്കും. കൂടുതല്‍ വിവരങ്ങള്‍ക്ക് 0097339474715, 33772792