റായ്പൂര്‍:  വനിതകളുടെ നേതൃത്വത്തില്‍ നടക്കുന്ന മദ്യവിരുദ്ധ കാമ്പയിനെ പിന്തുണക്കുമെന്ന് ഛത്തിസ്ഗഢ് മുഖ്യമന്ത്രി രമണ്‍ സിങ്. സ്ത്രീ സുരക്ഷ മുന്‍ നിര്‍ത്തിയാണിതെന്നും അദ്ദേഹം കൂട്ടിച്ചേര്‍ത്തു.

സംസ്ഥാനത്തിലെ തൊണ്ണൂറ് ശതമാനം ഗ്രാമങ്ങളിലും മദ്യശാലകളില്ലെന്നും അദ്ദേഹം പറഞ്ഞു. നിയമാനുസൃതമല്ലാത്ത മദ്യ വില്‍പന നിരോധിക്കുമെന്ന് അദ്ദേഹം ആവര്‍ത്തിച്ചു.

ഇന്ത്യന്‍, വിദേശ മദ്യങ്ങള്‍ സര്‍ക്കാര്‍ ഔട്ട്‌ലെറ്റുകളിലൂടെ മാത്രം ലഭ്യമാക്കുന്നത് ഉറപ്പു വരുത്താന്‍ ഒരു കോര്‍പറേഷന്‍ രൂപീകരിക്കുന്ന ബില്ലിന് കഴിഞ്ഞ ദിവസം സര്‍ക്കാര്‍ അംഗീകാരം നല്‍കിയിരുന്നു.