ആലുവ: ഹോട്ടല്‍ ജീവനക്കാരനെ കെട്ടിടത്തിന്റെ മുകളില്‍ നിന്നും വീണ് മരിച്ച നിലയില്‍ കണ്ടെത്തി. ആലുവ ദേശീയ പാതയില്‍ പറവൂര്‍ കവലയില്‍ അന്ന ലക്ഷ്മി എന്ന ഹോട്ടലിലെ പാചകക്കാരനായ ശശി(55)യെയാണ് ഹോട്ടലിന്റെ രണ്ടാം നിലയില്‍ നിന്ന് വീണ് മരിച്ച നിലയില്‍ കണ്ടെത്തിയത്.

രണ്ട് ദിവസത്തെ അവധിക്ക് ശേഷം ഇയാള്‍ ഇന്നാണ് ജോലിയില്‍ പ്രവേശിച്ചത്. ഇയാള്‍ കെട്ടിടത്തിന്റെ മുകളില്‍ നിന്നും ചാടുകയായിരുന്നുവെന്ന് ഹോട്ടലിലെ മറ്റ് ജീവനക്കാര്‍ പൊലിസിന് മൊഴി നല്‍കി. പൊലിസ് എത്തി ഇന്‍ക്വസ്റ്റിന് ശേഷം മൃതദേഹം ആലുവ ജില്ലാ ആശുപത്രിയിലേക്ക് മാറ്റി.