ഫറോക്ക്: മഹല്ലുകളില്‍ വര്‍ധിച്ചുകൊണ്ടിരിക്കുന്ന ജീര്‍ണതകളെ ഉദ്‌ബോധനത്തിലൂടെയും കൗണ്‍സിലിങുകളിലൂടെയും ഇല്ലായ്മ ചെയ്യാന്‍ ഖത്വീബുമാര്‍ മുന്നിട്ടിറങ്ങണമെന്ന് സുന്നി മഹല്ല് ഫെഡറേഷന്‍ സംസ്ഥാന സെക്രട്ടറി ഉമര്‍ ഫൈസി മുക്കം അഭ്യര്‍ഥിച്ചു. എസ്.എം.എഫ് ഫറോക്ക് മേഖലാ കമ്മിറ്റി സംഘടിപ്പിച്ച മേഖലാതല ഖുത്വബാ സംഗമം ഫറോക്ക് പേട്ട സീമാനിപ്പറമ്പ് തഅ്‌ലീമുല്‍ ഇസ്‌ലാം മദ്‌റസയില്‍  ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പ്രസിഡന്റ് കെ. കോയ ഹാജി കോടമ്പുഴ അധ്യക്ഷനായി. പി. ഹസൈനാര്‍ ഫൈസി, കെ.കെ  മുഹമ്മദ് മുസ്‌ലിയാര്‍, ആര്‍.വി സലീം, മുസ്തഫ യമാനി, മുഹമ്മദ് ഫൈസി, ജനറല്‍ സെക്രട്ടറി എം.വി മൂസക്കോയ, സിറാജുദ്ദീന്‍ ഫൈസി പുല്ലുംകുന്ന് സംസാരിച്ചു.