മഞ്ചേരി: മഞ്ചേരി നിയോജകമണ്ഡലത്തില്‍  യു.ഡി.എഫ് നേതാക്കളുടെ പര്യടനം  ഇന്നുമുതല്‍ തുടങ്ങും. ഇന്ന്  ഉമ്മന്‍ചാണ്ടിയാണ് പര്യടനം നടത്തുക. വൈകിട്ട് മൂന്നിന് എടപ്പറ്റ പഞ്ചായത്തിലെ ആഞ്ഞിലങ്ങാടിയില്‍ നിന്നും പര്യടനം ആരംഭിക്കും.
തുടര്‍ന്ന് കീഴാറ്റൂര്‍, ഒറവമ്പുറം, പാണ്ടിക്കാട് പഞ്ചായത്തിലെ പൂക്കൂത്ത്, കാളമ്പാറ, തമ്പാനങ്ങാടി, തൃക്കലങ്ങോട് പഞ്ചായത്തിലെ എളങ്കൂര്‍, കാരക്കുന്ന്് (നീലങ്കോട്), മഞ്ചേരി നഗരസഭയിലെ അരുകിഴായ, കോളജ്്കുന്ന്,പയ്യനാട് ചോലക്കല്‍,  എന്നിവിടങ്ങളിലെ പര്യടനത്തിന് ശേഷം പുല്ലൂര്‍ 9.15ന് സമാപിക്കും.
ആറിന് പാണക്കാട് സയ്യിദ് അബ്ബാസലി ശിഹാബ് തങ്ങള്‍ രാവിലെ 10 മുതല്‍ 12 വരെ മഞ്ചേരി നഗരസഭയിലെ വിവിധ കേന്ദ്രങ്ങളിലെ കുടുംബയോഗങ്ങളില്‍ പങ്കെടുക്കും.  പാണക്കാട് സയ്യിദ് റഷീദലി ശിഹാബ് തങ്ങള്‍ വൈകിട്ട് അഞ്ചു മുതല്‍ എട്ടു വരെ എടപ്പറ്റ പഞ്ചായത്തിലും പര്യാടനം നടത്തും.
എട്ടിന് പാണക്കാട് സയ്യിദ് മുനവ്വറലി ശിഹാബ് തങ്ങള്‍ രാവിലെ ഒന്‍പത് മുതല്‍ 12 വരെ തൃക്കലങ്ങോട് പഞ്ചായത്തിലും അന്നു തന്നെ പാണക്കാട് സയ്യിദ് സാദിഖലി ശിഹാബ് തങ്ങള്‍ വൈകിട്ട് മൂന്നു മുതല്‍ എട്ടു മണിവരെ പാണ്ടിക്കാട്, കീഴാറ്റൂര്‍, മഞ്ചേരി നഗരസഭയിലെ പ്രദേശങ്ങള്‍ എന്നിവിടങ്ങളിലും  പര്യടനം നടത്തും. വൈകിട്ട് 7.30ന് മുസ്‌ലിം ലീഗ് സംസ്ഥാന അധ്യക്ഷന്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ മഞ്ചേരി നഗരസഭയിലെ വിവിധ കേന്ദ്രങ്ങളില്‍ സംസാരിക്കും.
സ്ഥാനാര്‍ഥി പി.കെ കുഞ്ഞാലിക്കുട്ടിയുടെ ഒന്നാംഘട്ട പര്യടനം കഴിഞ്ഞ ദിവസം പൂര്‍ത്തിയായിരുന്നു. അവശേഷിക്കുന്ന പ്രദേശങ്ങളില്‍ ഒന്‍പതിനാണ് പര്യാടനം.