മങ്കട: എറണാകുളം ടൗണ്‍ ഹാളില്‍ നടത്തുന്ന ഡി.എ.ഇ.എ സംസ്ഥാന സമ്മേളനം വിജയിപ്പിക്കാന്‍ മലപ്പുറത്ത് ചേര്‍ന്ന ജില്ലാ കമ്മിറ്റി യോഗം തീരുമാനിച്ചു. മികച്ച പ്രവര്‍ത്തന മികവിലൂടെ കേന്ദ്രമന്ത്രിയുടെ അഭിനന്ദനത്തിനു അര്‍ഹനായ അങ്ങാടിപ്പുറം ഗ്രാമ പഞ്ചായത്ത് ക്ലാര്‍ക്ക് സലീം പി.ടി.യെ ആദരിച്ചു. ജില്ലാ പ്രസിഡന്റ് ദിനേശന്‍ മംഗലശ്ശേരി, ജില്ലാ സെക്രട്ടറി മൊയ്തീന്‍ കുട്ടി തിരൂര്‍ക്കാട്, സാജിത തങ്കയത്തില്‍, സലീം പി.ടി, സുരേഷ് തിരൂര്‍ സംസാരിച്ചു.