അങ്ങാടിപ്പുറം: ചൈല്‍ഡ്‌ലൈനിന്റെ ടോള്‍ ഫ്രീ നമ്പറായ 1098 എന്ന നമ്പറിലേക്കു വന്ന ഫോണ്‍ കോളിന്റെ അടിസ്ഥാനത്തില്‍ അവിഹിത ബന്ധത്തിലുണ്ടായ പന്ത്രണ്ടു ദിവസം മാത്രം പ്രായമായ പെണ്‍കുഞ്ഞിനെ ചൈല്‍ഡ്‌ലൈന്‍ ഏറ്റെടുത്തു. ചൈല്‍ഡ്‌വെല്‍ഫയര്‍ കമ്മിറ്റിയംഗം  അഡ്വ. ഹാരിസ് പഞ്ചിളി മുന്‍പാകെ ഹാജരാക്കിയ കുട്ടിയെ ശിശുപരിപാലന കേന്ദ്രത്തിലേക്കു മാറ്റി. കുഞ്ഞിനു അലീന എന്ന പേരു നല്‍കി. ചെറിയ മനോദൗര്‍ബല്യം കാണിച്ചതിനാലാണ് ബന്ധുക്കളുടെ സാന്നിധ്യത്തില്‍ കുട്ടിയെ ചൈല്‍ഡ്‌ലൈന്‍ പ്രവര്‍ത്തകര്‍ ഏറ്റെടുത്തത്. ചൈല്‍ഡ്‌ലൈന്‍ കൗണ്‍സിലര്‍മാരായ മുഹ്‌സിന്‍ പരി, ബിന്ദു മേലേവളപ്പില്‍ എന്നിവരാണ് കുട്ടിയെ ശിശുപരിപാലന കേന്ദ്രത്തിലേക്കു മാറ്റിയത്.