കൊണ്ടോട്ടി: ദേശീയപതാക മരത്തില്‍ ആണിയടിച്ചു തൂക്കിയതിനു ഓമാനൂര്‍ ആരാശ്ശേരി മൂലയില്‍ വീട്ടില്‍ മുഹമ്മദ് ഷാഫി (21) യെ എസ്.ഐ കെ.എ സാബു അറസ്റ്റ് ചെയ്തു. പെരിങ്ങാവ് കണ്ണംവെട്ടിക്കാവില്‍ ദേശീയപതാക ആണിയടിച്ചു പ്രദര്‍ശിപ്പിച്ചതു സാമൂഹികമാധ്യമങ്ങളില്‍ പ്രചരിച്ചതോടെ പൊലിസ് സ്വമേധയാ കേസെടുക്കുകയായിരുന്നു.  വീണുകിടന്ന പതാക രാഷ്ട്രീയ പാര്‍ട്ടിയുടേതാണെന്നു കരുതിയാണ് മരത്തില്‍ തൂക്കിയതെന്നാണ് യുവാവ് പറയുന്നത്. ഇയാളെ കോടതിയില്‍ ഹാജരാക്കി.