ഇരിങ്ങാലക്കുട: നവീകരിച്ച കാട്ടുങ്ങച്ചിറ ജുമാ മസ്ജിദിന്റെ ഉദ്ഘാടനം നാളെ വൈകീട്ട് നാലിന് പാണക്കാട്ട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിയ്ക്കും. ഇരിങ്ങാലക്കുട മുസ്്‌ലിം ജമാഅത്ത് കമ്മിറ്റി പ്രസിഡന്റ് കെ.എ സൈറാജുദ്ദിന്‍ അധ്യക്ഷനാകും.
 ചേലക്കുളം അബുല്‍ ബുഷ്‌റ മൗലവി, ആലിക്കുട്ടി ഉസ്താദ്, മാടവന ഇബ്‌റാഹിം കുട്ടി മുസ്്‌ലിയാര്‍, പി.എച്ച് അബുദുള്‍ ഗഫാര്‍ മൗലവി സംസാരിക്കും. ആറിന് വൈകീട്ട് നടക്കുന്ന മാനവ സൗഹാര്‍ദ്ധ സമ്മേളനം കേരള നിയമസഭ സ്പീക്കര്‍ ശ്രീരാമകൃഷ്ണന്‍ ഉദ്ഘാടനം ചെയ്യും. ഇരിങ്ങാലക്കുട എംഎല്‍എ പ്രഫ. കെ യു അരുണന്‍ അധ്യക്ഷത വഹിക്കും. ജില്ലാ കലക്ടര്‍ ഡോ. എ കൗശികന്‍ മുഖ്യാതിഥിയായിരിക്കും.
ഇരിങ്ങാലക്കുട എഎസ്പി കിരണ്‍ നാരായണ്‍, ചെയര്‍പേഴ്‌സണ്‍ നിമ്യാഷിജു, ബിഷപ്പ് മാര്‍ പോളി കണ്ണുക്കാടന്‍, സ്വാമി ബ്രഹ്മ സ്വരൂപാനന്ദ, ഹാഫീസ് വലിയുള്ള അല്‍ ഖാസിമി സംസാരിക്കും.ഏപ്രില്‍ ഏഴിന് നടക്കുന്ന ജീവകാരുണ്യ സംഗമം കേരള ഹൈകോടതി ജസ്റ്റിസ് ബി കമാല്‍ പാഷ ഉദ്ഘാടനം ചെയ്യും. കൈപ്പമംഗലം എംഎല്‍എ ഇ ടി ടൈസണ്‍ മാസ്റ്റര്‍ അധ്യക്ഷത വഹിക്കും. ഫൈസല്‍ നദ്‌വി, രാജു മാസ്റ്റര്‍, പി കെ അലിസാബ്രി സംസാരിക്കും.
തുടര്‍ന്ന് കാഞ്ഞാര്‍ അഹമ്മദ് കബീര്‍ ബാഖവി നയിയ്ക്കുന്ന മതപ്രഭാഷണം ഉണ്ടായിരിക്കും. ഏപ്രില്‍ എട്ടിന് വൈകീട്ട് നടക്കുന്ന സമാപന സമ്മേളനം എംപി സി എന്‍ ജയദേവന്‍ ഉദ്ഘാടനം ചെയ്യും. വി കെ സുനില്‍കുമാര്‍ എംഎല്‍എ അധ്യക്ഷത വഹിക്കും.
യോഗത്തില്‍ കെ എ സൈറാജുദ്ധിന്‍, പി കെ അലിസാബ്രി, തോമസ് ഉണ്ണിയാടന്‍, എം പി ജാക്‌സണ്‍, കെ എ റിയാസുദ്ധിന്‍, ഉല്ലാസ് കളക്കാട്ട്, പി മണി, ടി എസ് സുനില്‍ കുമാര്‍, കെ എസ് അന്‍സാരി സംസാരിക്കും. തുടര്‍ന്ന് കുമ്മനം നിസാമുദ്ധിന്‍ നയിക്കുന്ന മതപ്രഭാഷണം ഉണ്ടായിരിക്കും.