ആറ്റിങ്ങല്‍: ദിവസങ്ങള്‍ക്കുമുമ്പ് പുഴയില്‍ മുങ്ങിമരിച്ച കടുവാപ്പള്ളി പുത്തന്‍കോട് അര്‍ഷദി (18) ന്റെ വീട് കെ.പി.സി.സി പ്രസിഡന്റ് എം.എം ഹസന്‍ സന്ദര്‍ശിച്ചു. അര്‍ഷദിന്റെ പിതാവ് കടുവയില്‍ ഷാജഹാന്‍ മൗലവി ഉള്‍പ്പെടെയുള്ള കുടുംബാംഗങ്ങളെ അദ്ദേഹം ആശ്വസിപ്പിച്ചു. കെ.ടി.സി.ടി ചെയര്‍മാന്‍ പി.ജെ നഹാസ്, മണമ്പൂര്‍ പഞ്ചായത്ത് പ്രസിഡന്റ് അമ്പിളി പ്രകാശ്, വൈസ്പ്രസിഡന്റ് എസ്. സുരേഷ്‌കുമാര്‍, ജി. സത്യശീലന്‍, ആര്‍.എസ് രഞ്ജിനി, മാവിള വിജയന്‍, എ. നഹാസ്, പ്രശോഭനാ വിക്രമന്‍, വലിയവിള സമീര്‍, നാസിമുദ്ദീന്‍, നഹാസ് കിനാലിവിള, അറഫാ റാഫി, അബ്ദുല്‍വാഹിദ്, എം. സഫീര്‍ എന്നിവര്‍ അദ്ദേഹത്തിനൊപ്പമുണ്ടായിരുന്നു.