കാട്ടാക്കട: ടിപ്പര്‍ ഇടിച്ചു ബൈക്ക് യാത്രികനായ പാസ്റ്റര്‍  മരിച്ചു മരിച്ചു. ഉറിയാക്കോട് പൊന്നെടുത്തകുഴി എ.ബി ഭവനില്‍ എം.കെ .ഗോപി  (പാസ്റ്റര്‍ ജോയി 56) ആണ് മരിച്ചത് .തിങ്കളാഴ്ച രാവിലെ ഏഴര  മണിയോടെ പൂവച്ചലിന് സമീപം നക്രാംച്ചിറ ആയിരുന്നു അപകടം ഗോപി .ഭാര്യയും എട്ടു വയസ്സുകാരി  മകള്‍ ജെസിയുമായി  സ്‌കൂട്ടറില്‍ കാട്ടാക്കട നിന്നും ഉറിയാക്കോടേക്ക് പോകവേ പുറകില്‍ നിന്നും അമിത വേഗതയില്‍ വന്ന ടിപ്പര്‍ ലോറി ഇടിച്ചു തെറിപ്പിക്കുകയായിരുന്നു. ഇടിയുടെ ആഘാതത്തില്‍ തെറിച്ചു റോഡിലേക്ക് വീണ ഗോപിയുടെ ശരീരത്തിലൂടെ ലോറിയുടെ പിന്‍ചക്രങ്ങള്‍ കയറിയിറങ്ങി. റോഡിന്റെ ഇടതു ഭാഗത്തേക്ക് വീണ ഭാര്യയും മകളും നിസാര പരുക്കുകളോടെ രക്ഷപ്പെട്ടു .
സംഭവ സ്ഥലത്ത് നിര്‍ത്താതെ ഓടിച്ചു പോയ ടിപ്പര്‍ ലോറി  പൂവച്ചല്‍  മുളമൂടിന് സമീപം ഉപേക്ഷിച് ഡ്രൈവറും കൂടെ ഉണ്ടായിരുന്നവരും രക്ഷപ്പെട്ടു . ടിപ്പര്‍ പൊലിസ് കസ്റ്റഡിയില്‍ എടുത്തു. കള്ളിക്കാട് തുണ്ടു നട അസംബ്ലീസ് ഓഫ് ഗോഡ് ചര്‍ച്ചിലെ പാസ്റ്റര്‍ ആണ് ജോയി. എസ്തര്‍ ആണ് ഭാര്യ. ജോബിന്‍, ജിജി, ജെസി എന്നിവര്‍ മക്കളും സീന, ഫിലിപ്, എന്നിവര്‍ മരുമക്കളും ആണ്.