വെള്ളറട: വേനല്‍മഴയ്ക്ക് ഒപ്പമുണ്ടായ ഇടിമിന്നലില്‍ വീട്ടമ്മ മരിച്ചു. കഴിഞ്ഞദിവസം വൈകുന്നേരമായിരുന്നു സംഭവം. ഒറ്റശേഖരമംഗലം ആലച്ചന്‍കോണം വിയക്കോണം കോളനിയില്‍ അലക്‌സാണ്ടറിന്റെ ഭാര്യ സരോജം (53).
വീടിനു മുന്നില്‍ ഉണങ്ങാനിട്ട വസ്ത്രമെടുക്കാന്‍ ശ്രമിക്കുന്നതിനിടെ മിന്നലേല്‍ക്കുകയായിരുന്നു. ഇവരെ ഉടന്‍ കാട്ടാക്കട സര്‍ക്കാര്‍ ആശുപത്രിയിലെത്തിച്ചുവെങ്കിലും രക്ഷിക്കാനായില്ല. മൃതദേഹം തിരുവനന്തപുരം മെഡിക്കല്‍കോളജ് മോര്‍ച്ചറിയില്‍. മക്കള്‍: അനൂപ്, അജീഷ്.